JOSUA 2:4 - Bawm Common Language Bible Version

^4-6 “Ka in ah mi zeimaw mi chu an hawng le, a zei lei mi minung me an si ti lam chu ka theih loh. Nî tlâk lânah kulh an khâr lântê ah an suak ving rawh, an kalnâk khawm ka theih loh. Sikhawmsele, an dunglei ah nan ṭhâwl sawm chun nan tleih kho lai dahmawh,” ti hen a sâng. (Rahab nih thlingthlâktu chu in tlûnah a kalpi na le, lapawng a siah mi tlûnah a thuh na.)

JOSUA 2:4 ပူးပေါင်းရင်းမြစ်များ

2 Lal 6:19

Churawhchun, Elisa chu an sinah a va kal le, an sinah, “Lampi diklo ah nan kal lak hiteh, hi khua chu nan hâwl mi khua asi loh, hawng ka zûl ule, nan hâwl mi minung sinah ka nan kalpi na lai,” a ti. Churawhchun, Samaria leiah a kalpi na rawh.

EXODUS 1:19

Annih nih, “Hebrai nunau chu Aigupta nunau hâwi an si lo, an nau neih a awl le, kan tleng lânah an nei ving tâwn,” ti hen an sâng.

JEM 2:25

Chu hâwi ber hen, Rahab â zuar mi nunau khawm nih khan, Israel mifial tla a lawmh na le, lampi dang lei hen a tlungtir na liau khan thilti ruangah mawh lo hen a um asi lo mazei?

JOSUA 2:3

Rahab sinah thu a thanh le, “Na in ah an hawng kal mi tla kha ram thlingthlâktu tla an si! Hawng suakpi na!” a ti.

JOSUA 6:17

Khuapi leh a sungah mi thil zeizawng LALPA rangah bâwlnâk ding hen veih hep ding asi. Rahab â zuar mi nunau leh a dâwngsungkhur tla cho zuah ding asi, anih nih kan lakah thlingthlâktu tla a thuh na ruangah.

JOSUA 6:25

Sikhawmsele, Josua nih Rahab leh a rualsia tla zawzawng chu Jeriko khua ah thlingthlâktu mi panih an fial mi tla a hum na ruangah an nungnâk tla a zuah na. (A thlâk tla chu tusûn ni tiang hen Israel tla lakah an um.)