JOSUA 2:14 - Bawm Common Language Bible Version

¹⁴ Annih nih nunau sinah, “Kan thusim hâwi hen kan tilo chun Pathian nih kan nungnâk lâk seh! Hi kan thilti tla hi pakhat khawm na simh na lo asi chun, LALPA nih hi ram hi hawng kan pêk tikah, ṭhadektê hen kan ti na lai ti hen thu kan tiamh asi,” an ti.

JOSUA 2:14 ပူးပေါင်းရင်းမြစ်များ

GENESIS 24:49

Tuhin, ka pu thusim ziatê hen nan ti ding mi chu nan mawhphurhnâk asi ruangah ṭhadek hen ti piak ule, chu hâwi hen nan ti piak awt leh awtlo zângfahtê hen hawng ka simh u; chu tikah ti ding mi chu ka sim bâk lai,” a ti.

GENESIS 47:29

A thihnâk ni a nâi rawh le, a fapa Josef chu a kawh le, a sinah, “Na kut kha ka êl karah hawng siah le, Aigupta ram ah hawng ka vûi lo ding hen thu hawng ka tiamh.

2 SAMUEL 2:5

chunah chun mi zeimaw mi tla thâwng thanh ding hen a fial na: “Nan lalchem nan vûi mi lakah nan sunhsak asi ti â theih ruangah LALPA nih mal an sâwm na seh.

2 SAMUEL 2:6

Tu thawk hen LALPA chu nan lakah vêlnei hen zumhkâi seh. Kei khawm nih nan thilti ruangah ṭha tak hen kan ti na bâk awt.

2 SAMUEL 9:1

Nikhat chu David nih, “Saul dâwngsung lakah mi pakhat tal an um rih ma aw? A um rih mi asi chun Jonathan ruangah a lakah ṭhat ka suah awt,” a ti.

1 Lal 20:39

Lalchem a hawng hen a kiangah a kal liauah khuavâng nih a kawh le, a sinah, “Bâwipa, râldo hen ka um le, kawrsen pakhat nih mêlma tleih mi ka sinah a hawngpi le, ‘Hi minung hi vêng; a suak ving chun a ruangrûl ah na nungnâk pêk ding asi lai, asi lo leh tangka sâng thum na châwi ding asi,’ a ti.

THUFING LASUIBU 14:22

Thil ṭha na ti chun midang tla nih an zumh hen an zah lai le; thilsual na ti mi asi chun thil diklo na ti mi asi.

THUFING LASUIBU 18:24

Hâwi zeimaw mi chu an sâwt lo, zeimaw mi chu unau ngâk hen zumh an kâi.

MATHAI 5:7

“Mi khuaruat kho tak tla chu an thaw a suak, Pathian khuaruatnâk anna ting awt ruangah!

THILTI 23:22

Chun, kawrsen hotu lianchem nih chun tlangvâl chu a kîrtir le, “Hi bang thu na hawng ka theihtir mi hi âukhawm simh lah a ti thlir.

JOSUA 2:13

Ka pa leh ka nu, ka unaupa leh ka unaunu leh an dâwngsung tla zawzawng zuah na ding hen leh nan hawng kan thah lonâk ding hen ka sinah thu tiam u,” a ti na.

JOSUA 2:15

Rahab in chu khuapi kulh sungah asi le, churawhchun thlingthlâktu tla rî hen langawtkawt ah a thlâk na.

JOSUA 6:17

Khuapi leh a sungah mi thil zeizawng LALPA rangah bâwlnâk ding hen veih hep ding asi. Rahab â zuar mi nunau leh a dâwngsungkhur tla cho zuah ding asi, anih nih kan lakah thlingthlâktu tla a thuh na ruangah.

JOSUA 6:22

Chun, Josua nih thlingthlâktu panih sinah chun, “Nunau â zuar mi in ah va kal ule, thu nan tiamh mi hâwi hen amah leh a dâwngsung tla hinah hawngpi na u,” a ti.

JOSUA 6:25

Sikhawmsele, Josua nih Rahab leh a rualsia tla zawzawng chu Jeriko khua ah thlingthlâktu mi panih an fial mi tla a hum na ruangah an nungnâk tla a zuah na. (A thlâk tla chu tusûn ni tiang hen Israel tla lakah an um.)

1 SAMUEL 20:8

Na ka sunhsaknâk hi zângfahtê hen ti le, thuthup thenhlimh kan nei mi kha theihkumza. Sikhawmsele ka sual mi asi ngâk leh nangmah tak nih hawng ka thah ko! Zei rangah na pa nih hawng ka thah ding hen na ka kalpi êu lai?” a ti.