JOSUA 2:11 - Bawm Common Language Bible Version

¹¹ Chu chu kan theih kâ hen thungâi kan ningṭih, nanmah ruangah kan thinlung thungâi kan lâu. LALPA nan Pathian chu tual leh vân Pathian asi.

JOSUA 2:11 ပူးပေါင်းရင်းမြစ်များ

1 Lal 8:60

Churawhchun, laikulh phun zawzawng nih LALPA Pathian cho lo chu a dang âukhawm an um lo ti an theih lai.

2 Lal 5:15

Elisa sinah a minung tla zawng hen a va kîr nawlh le, a sinah, “Tu chun Israel Pathian cho lo chu zei Pathian khawm a um lo ti ka theih rawh, churuangah chun zângfahtê hen, Pu, lâwmman ka nan pêk mi hi hawng ka lâk piak,” â ti.

NEHEMIAH 6:16

Kan kiangah mi phun mêlma zawzawng nih kan dih mi an theih rawh chun, Pathian ṭangpi hen rianṭuan chu lîm asi rawh ti mikip nih an theih le, an mâi a mûi rawh.

ESTHER 8:17

Lal thusuah a tlengnâk ram ṭhen kip ah Juda tla nih lâwmnâk puai an tuah le, thungâi an lâwptlo. Chu hâwi a hawng si ruangah mi tam tak anmah ṭih ruangah Juda phun ah anna siam.

SAM 102:15

Phun tla nih LALPA chu an ṭih lai le; Tual ah lal zawzawng tla nih a thiltikhonâk chu an ṭih lai.

SAM 22:14

Tual ah tî a tlê mi hâwi hen ka tha â zûk ver. Ka liahchân zawzawng khawm a pelh hep; ka thinlung chu khuailul hâwi hen a zawr.

SAM 58:7

Tî a dat ving mi hâwi hen an lang lonâk ding hen leh lampi ah belh a uai mi hâwi hen um na seh.

SAM 83:18

Nangmah cho chu LALPA leh tual ah lâirêltu lian na si ti an theihnâk ding hen.

EXODUS 15:14

Phun tla nih an theih le, lâu hen an thir; Philistia mi tla chu lâunâk nih a tlunh na.

EXODUS 15:15

Edom ram ruitu tla chu an lâu le, Moab ram mi chak tla an thir; Kanaan ram mi tla chu an râl ṭhatnâk a vei dep.

ISAI 13:7

Mikip kut chu a uai lai le, mikip râlṭhatnâk khawm a vei lai.

ISAI 19:1

Hi hi Aigupta thu ah thuchah asi. LALPA chu sûm tlûnah chuan hen Aigupta ah a hawng kal. Aigupta ram ah milem tla chu a mâika ah an thir le, Aigupta minung tla chu an zer rawh.

EZEKIEL 21:15

Ka mi tla a lâutir na le, a tlûktir na. An khuapi tla chu ka nâmsâu hen ka thah na le, mîmthlalek hâwi hen thah ding sek hen a râlring.

NAHUM 2:10

Ninevi chu a vei rawh, a karo hen a um, a lâwng keng rawh! Thinlung chu ningṭihnâk hen a khat le, chaknâk a vei le, khûp tla a thir; mêl a dâng rê.

DEUTERONOMY 1:28

Zei rangah chunah kan va kal rîlmâl lai? Kan ṭih asi. Minung kan va fial mi tla nih chunah um mi tla chu kanmah ngâk hen an chak hen an sâng dauh, khuapi kulh vân tawngh khet mi lakah um mi an si. Milian tla an muh na an ti!’ nan ti.

DEUTERONOMY 20:8

“Hotu tla nih chun mi tla sinah, A zer hen a ṭih mi nan um ma? A um chun in leiah tlung seh. Midang thinlung a râwk lai,” ti na seh.

DEUTERONOMY 4:39

Churuang chun tusûn ni tiang hen theihkumza ule, philh lah u; LALPA chu tual leh vân Pathian asi. Chu lo chu pathian dang rerêng a um lo.

JOSUA 14:8

Kan sinah kal mi minung tla nih zapi tla rangah an zerhtir. Sikhawmsele kei lam chu LALPA, ka Pathian chu ka zumh thlir le, a thu ka ngâi.

JOSUA 2:24

a sinah, “LALPA nih ram pumpi chu hawng kan pêk rawh ti kan theihfiang rawh. Chunah mi tla nih chun hawng kan ṭih hep,” an ti.

JOSUA 5:1

Amor lalchem Jordan thlanglei mi zawzawng tla, Mediteranian Tipi kiangkam ah um mi Kanaan lalchem tla nih Israel mi tla nih an tan ver tiang hen LALPA nih Jordan Va tî chu a kangtir piak na ti an theih. Israel mi tla ruangah an thinlung a dâwk hep le, thungâi an ningṭih.

JOSUA 7:5

Ai khua mi tla nih khuapi kawtkâ thawk hen lung khur an chawhnâk tiang hen tlâng leikângah lampi tluan hen minung sâwmthum leh paruk an thah na. Churawhchun, Israel tla chu an thin a dâwk hen an ningṭih rawh.

JOSUA 9:24

Annih nih an sâng le, “Kan ti ko lai ma chu Pu, LALPA nan Pathian nih a to-aw Mosi sinah ram pumpi pêk hen an kalnâk kip ah minung tla chu ram ah um mi chu thah ding asi ti hen thu a pêk mi chu a dik asi ti kan theih ruangah asi. Kan ṭih na ruangah kan ti mi asi, thi ding kan ṭih ruangah.

THUPHUANG 6:16

Chun, tlâng tla leh lungpi tla sinah chun, “Hawng kan denh rawh, Dawrâ Fa thinthawknâk thawk hen leh laltophah ah a to mi mitmuh lonâk ah hawng kan phenh rawh,