JOSUA 19:51 - Bawm Common Language Bible Version

⁵¹ Bâwlpu Eleazar, Nun fapa Josua, Israel phun lakah ruitu tla nih chun Siloh ah LALPA puanin mâika ah mah vo chiau theihnâk ah chamchawh hen an ṭhen. Hi hâwi hen ram ṭhen chu anna lîm rawh.

JOSUA 19:51 ပူးပေါင်းရင်းမြစ်များ

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

SAM 78:60

Siloh ah a puanin kan lakah a umnâk chu a kaltâk rawh.

MATHAI 20:23

Anih nih chun an sinah, “Ka hâi din ding mi chu nan din ngelchel lai; sikhawmsele, ka vawrhlei ah leh ka kehlei ah to ding thu chu kei pêk ding asi lo le, ka Pa nih a timhtuah piak mi tla rangah asi dauh lai,” a ti.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

THILTI 13:19

Chun, Kanaan ram ah mi phun sarih a râwk nûnah khan an ram chu kum zali leh sâwmnga kar luah ding hen a pêk na.

JOSUA 14:1

Chu nûnah chun Kanaan ram Jordan Va thlanglei chu Israel tla rangah ṭhenh hen a hawng um nawlh. Bâwlpu Eleazar, Nun fapa Josua leh Israel dâwngsung lakah ruitu zapi tla lakah an ṭhenh zâr na.

JOSUA 18:1

Ram an lâk thluh ver nûnah chun, Israel mi zawzawng chu Siloh ah anna pûm le, chunah LALPA umnâk puanin an zâr.

JOSUA 18:10

Josua nih LALPA ngiar hen an rangah chamchawhnâk a siam le, Israel phun um rih mi nih anna ting ding hen a vauh na.

JOSUA 20:1

Churawhchun, LALPA nih Josua chu

LÂIRÊL 21:19

Churawhchun, an hawng ruat chiam le, “Kum siar hen Siloh ah LALPA kût um tâwn mi chu a nâi thlo rawh,” an ti. (Siloh chu Bethel marlei ah um mi asi, Lebonah simlei kângah Bethel leh Sekem karah mi saklei lampi ah.)

LÂIRÊL 21:21

chunah chun ngâk ko u. Siloh khua mi nungâk tla kût tikah lâm ding hen an hawng suak chun grep nâwngah mi chu hawng suak u. Pakhat chiau hen nupi rangah zângran hen deih na ule, Benjamin ram ah nan sinah kalpi na u.

1 SAMUEL 1:3

Elkanah chu kum siar hen Ramah khua thawk hen Siloh khua ah LALPA zeizawng tikho sinah bâwlnâk ap ding leh va sawnh ding hen a kal tâwn le, chunah chun Hopni leh Phinehas Eli fapa panih chu LALPA bâwlpu an si.