JOSUA 18:6 - Bawm Common Language Bible Version

⁶ Hi ram mun sarih hi rîn ule, ka sinah hawng put u. Churawhchun, LALPA kan Pathian sinah deih hen nan rangah chamchawhnâk ka siam lai.

JOSUA 18:6 ပူးပေါင်းရင်းမြစ်များ

SAM 105:11

“Kanaan ram chu ka nan pêk lai,” a ti. “Nangmah tâ bîk asi lai,” a ti.

THUFING LASUIBU 16:33

Pathian duhzia theih ding hen mi nih chamchawhnâk an siam le, sikhawmsele Pathian nih sâng ding a tum rerêng asi.

THUFING LASUIBU 18:18

Mi thiltikho mi vevê anna do chun, chamchawhnâk nei hen an thu thlûk kho asi.

NUMBER 33:54

An chi leh phun tla lakah ram chu chamchawh hen ṭhenh na ule, a chi tam dauh mi tla sinah tam dauh pêk ule, a chi tâwm dauh mi sinah tâwm dauh hen pêk na u.

NUMBER 34:13

Mosi nih Israel tla sinah, “Hi ram hi asi chamchawh hen nanna ting ding mi ram chu, chu ram chu LALPA nih phun kua leh a khingkhuai umnâk rangah a ruat mi chu asi.

THILTI 13:19

Chun, Kanaan ram ah mi phun sarih a râwk nûnah khan an ram chu kum zali leh sâwmnga kar luah ding hen a pêk na.

JOSUA 14:2

LALPA nih Mosi sinah thu a pêk mi hâwi hen phun kua leh a khingkhuai tla lakah Jordan Va thlanglei ram chu chamchawh hen anna ṭhen.

JOSUA 18:10

Josua nih LALPA ngiar hen an rangah chamchawhnâk a siam le, Israel phun um rih mi nih anna ting ding hen a vauh na.

JOSUA 18:7

Sikhawmsele Levi murui nih chun tuah nan lakah vo ting lo mi tla hâwi hen vo an nei lo, annih tla lam chu LALPA bâwlpu tla rianṭuantu an si ruangah. Asi, Gad phun leh Reuben phun leh saklei kângah um mi Manaseh phun tla nih chun Jordan Va saklei ram anna ting rawh le, LALPA to-aw Mosi nih an sinah a pêk na rawh asi” a ti.

JOSUA 18:8

Josua nih chu hâwi hen thu a simh na rawh chun minung tla chu ram lem rîn ding hen an kal rawh. “Ram pumpi kal ver hen a lem siam ule, ka sinah hawng kîr nawlh u. Churawhchun, hi Siloh khua ah keimah nih chamchawhnâk siam hen nan rangah LALPA ka deih lai,” a ti.