JOSUA 18:16 - Bawm Common Language Bible Version

¹⁶ Churawhchun, tlâng bul ah a ṭum le, Hinom Kuam chu tlûnlei kâng asi, Rephaim Kuam marlei kâng dawnghnâk asi. Simlei kângah Hinom Kuam leiah a pal le, Jebus tlâng simlei Enrogel leiah.

JOSUA 18:16 ပူးပေါင်းရင်းမြစ်များ

2 SAMUEL 17:17

Abiathar fapa Jonathan leh Zadok fapa Ahimaz nih Jerusalem dâivâu Enrogel tikhurchawh ah an ngâk ko, khuapi ah an lût mi âukhawm muh lo ding hen. To-aw nunau ngâksia nih thil a tlung mi a va simh na tâwn le, churawhchun annih nih Lalchem David sinah kal hen an va simh ding hen.

2 SAMUEL 5:18

Philistia mi tla chu Rephaim Kuam ah an hawng tlung le, an luah.

1 Lal 1:9

Ni khat chu Adonijah nih Enrogel tinung kiangah Rûl lungpi (zebelet) lakah bâwlnâk dawrâ tla, chawchal tla leh chawlâ bit tak tla a ap. Lalchem David fapa tla leh lal rianṭuantu tla Juda ram ah um mi tla chu bâwlnâk puai lakah a tel ding hen a sâwm na.

2 Lal 23:10

Lalchem Josiah nih chun âukhawm nih Milkom pathian sinah an fanu leh an fapa duah hen bâwlnâk an ap lo rawh ding hen Hinom Vakuam ah lunglotu pathian sawnhnâk mun Topheth khawm a râwk.

1 CHRONICLES 14:9

Philistia tla chu Rephaim ah an hawng tleng le, rûn ding anna dawmh rawh.

2 CHRONICLES 28:3

Thîr hen Baal lem siam mi a nei le, Hinom Vakuam ah rimthâw a duah le, chu milem lakah a fapa tla bâwlnâk ah a mang. LALPA nih Israel kalnâk zawng ah a nar na mi minung tla ti dân a châwng.

2 CHRONICLES 33:6

A fapa tla chu Hinom Kuam ah duahphung bâwlnâk ah a mang na. Chamchawh thiam leh dâwithiam tla a mang na le, vânṭhatnâk simhkantu leh mithi sawnhtu sinah thu a deih. LALPA lakah fâk tak hen thilsual a ti le, a thin a thawktir.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

JEREMIA 19:11

“Hi khuapi leh minung tla hi ka râwk awt, hi tual bêl a kuai le, remh kho asi lo rawh mi hâwi hen a um lai. Hi mun leh mun dangah anmah vûinâk a um awtlo ruangah an ruak tla chu Tophet mun ah khawm an vûi na lai.

JEREMIA 19:2

put na hen bêl kuai kawtkâ pal hen Hinom Vakuam ah kalpi na ding hen hawng ka simh. Chunah thu hawng ka simh ding mi chu kei nih phuang ding hen.

JEREMIA 19:6

Churuangah hi mun hi Tophet mawh Hinom Vakuam mawh ti lo rawh nâk ding tik a hawng tlung awt. Chu hâwi ti ngâk hen Thahnâk Vakuam ti hen theih asi lai.

JEREMIA 32:35

Hinnom kuamah Baal mâichâm tla an siam le, Molek pathian sinah an fanu an fapa tla bâwlnâk ah an pêk. Chubang tla ti ding hen thu ka pêk na lêm lo, chubang thil tla ti hen Juda mi tla an sualtir na ding hen khawm ka thinlung ah ka ruat lo,” a ti.

JOSUA 15:63

Sikhawmsele Juda nih Jebus mi Jerusalem ah an um mi tla chu an nar kho lo, Juda mi tla hen munkhat hen an um ko.

JOSUA 18:28

Zela, Haeleph, Jebus (mawh Jerusalem), Gibeah leh Keriath Jearim: khuapi leili, a kiangkam mi khua tla khawm. Hi ram hi Benjamin phun dâwngsungkhur tla nih anmah rangah anna ting mi chu asi.

LÂIRÊL 1:21

Sikhawmsele Benjamin phun tla nih Jebus mi tla Jerusalem ah um mi tla chu an nar na lo le, Benjamin mi leh Jebus mi tla chu, chu thawk hen an um vima.

LÂIRÊL 1:8

Juda mi tla nih Jerusalem an do le, an lâk. Chunah mi minung tla an thah na le, khuapi chu an duah.

LÂIRÊL 19:10

Sikhawmsele, a samakpa nih riak nawlh ding a duh lo le, churawhchun an nupa hen an to-aw leh an sanatung panih a tlûnah chuanhnâk hen an kal rawh. Jebus (Jerusalem an ti mi kiangah an tlung rawh chun a zânlei tlâi ual rawh, a to-aw nih a pupa sinah, “Zei rangah Jebus khuapi ah hin a dîn hen kan riak ko lo le?” a ti.