JOSUA 18:12 - Bawm Common Language Bible Version

¹² Marlei kângah ramri chu Jordan Va thawk hen Jeriko Suk marlei kâng asi le, thlanglei kângah tlâng ram pal hen Bethaven ramkaro tiang asi.

JOSUA 18:12 ပူးပေါင်းရင်းမြစ်များ

HOSEA 10:5

Samaria khuapi ah um mi tla chu an lâu lai le, Bethel ah an ngûn chawchal lem an thlâu mi ruangah lungfâknâk an nei lai. Anmah leh milem sawnhtu bâwlpu tla nih an ṭappi lai. An ngûn milem rokual chu a vei tikah thungâi an lungfâkpi lai.

HOSEA 4:15

“Nang, Israel chu ka lakah zumhkâilo hen um menza khawmsele, chu thil lakah Juda tla chu sual rîlmâl lah seh. Gilgal mawh Bethel ah mawh Pathian sawnh hen chunahchun LALPA a nung mi min hen thu tiamh lah u.

HOSEA 5:8

Gebeah ah râltuknâk tâwtawrâwt tum u! Ramah ah râltuknâk hâu suah u! Bethel ah râltuknâk phuang u! Râltuk u!

JOSUA 16:1

Simlei kâng ramri Josef thlâk tla rangah an ruat piak na mi ram chu Jeriko kiang Jordan thawk hen Jeriko khua saklei tinung va, chu thawk hen a kal vima le, ramkaro ah, Jeriko thawk hen tlâng ram leikângah Bethel tiang hen.

JOSUA 18:11

Benjamin dâwngsungkhur tla rangah ruat mi ram chu a masa chem ding asi. An ram ding mi chu Josef leh Juda phun kar lakah um ding asi.

JOSUA 2:1

Josua nih thlingthlâktu panih Akasia ah mi riakmun thawk hen a thup hen Kanaan ram ah mi Jeriko khua zauh ding hen a fial na. Khuapi ah an va lût le, nunau â zuar mi Rahab in ah, zân ah an riak.

JOSUA 3:16

tî a luang mi tla â dîn thlo le, â pawng tung. Adam ti mi mun ah chun tiva ngâk hen a sâng le, chu chu Zarethan kiang asi. Tipi Thi leikângah a luang mi chu a chat bawk, churawhchun Jeriko khua kiangah an kanh kho rawh.

JOSUA 6:1

Jeriko khua chu an khâr le, Israel tla lût lo ding hen an vêng pang. Âukhawm chu khuapi ah chun an lût hen an suak kho lo.

JOSUA 7:2

Josua nih mi zeimaw zat ding chu Jeriko khua thawk hen Ai khua ah a fial na le, Ai khua chu Bethel saklei ah Bethaven kiangah mi asi. Chu lei ram ah chun thlingthlâk ding hen a fial na mi asi.

JOSUA 8:15

Josua leh a minung tla nih neh mi hâwi hen anna tektir telê le, mâng leiah an tek ving.

1 SAMUEL 13:5

Philistia tla chu Israel tla do ding hen anna pûm le; râltuknâk kari sîng thum an nei, rang tlûn to mi sâng ruk an nei, kawrsen dang tla khawm chu tipi kapah sep zat hen an tam. Mikmas ah an va kal le, Bethavan saklei asi, chunah chun mun an khuar.