JOSUA 18:1 - Bawm Common Language Bible Version

¹ Ram an lâk thluh ver nûnah chun, Israel mi zawzawng chu Siloh ah anna pûm le, chunah LALPA umnâk puanin an zâr.

JOSUA 18:1 ပူးပေါင်းရင်းမြစ်များ

2 SAMUEL 7:6

Ka mi Israel tla Aigupta ram ah mi ka suakpi na mi thawk hen tutiang hen ka in ah ka um lo rih, puanin ah um hen ka zî lemang.

1 Lal 14:2

Jeroboam nih a nupi sinah, “Mi nih theihlo ding hen â tuah le, Ahijah khuavâng Israel lalchem na si lai hawng ka titu Siloh khua ah va kal.

1 Lal 14:4

Siloh khua ah Ahijah sinah a va kal rawh. Ahijah chu a tar tuktarâi rawh le, khua a muh lo rawh.

1 Lal 2:27

Churawhchun, lalchem Solomon nih Abiathar bâwlpu sinâk chu a bângtir rawh. Eli dâwngsung leh a thlâk tla Siloh khua mi LALPA nih a sim hâwi hen a hawng tlung rawh.

NEHEMIAH 9:24

Kanaan ram chu an neh le, chunah um mi tla chu na neh na. Kanaan ram ah lal leh mi tla chu anmah duhzia zawng tikho ding hen na mi tla chu thiltikhonâk na pêk na.

SAM 78:60

Siloh ah a puanin kan lakah a umnâk chu a kaltâk rawh.

SAM 78:66

A mêlma tla chu a khirh na le, ningzaknâk dawnghnâk hen a neh na.

JEREMIA 26:6

Ka thu nan ngâilo nget mi asi chun, hi Biakin hi Siloh ah ka ti mi hâwi hen ka ti lai le, laikulh phun zawzawng nih a min ah siatbarh mi khuapi an ti lai,” a ti.

JEREMIA 26:9

Zei rangah hi Biakin hi LALPA min hen Siloh hâwi asi lai le, khuapi khawm a râwk lai le, a sungah pakhat khawm an um lai lo, na ti zia?” an ti. Churawhchun, zapi minung tla chu ka kiang an hawng khat zat.

JEREMIA 41:5

minung sâwmriat Sekem, Siloh leh Samaria thawk hen an hawng tleng. An khamul an mêt le, an nipuan tla an thlêk le, anna ât. Fâng leh rimthâw tla Biakin ah ap ding an put.

NUMBER 32:22

LALPA nih a neh hen ram a lâk lânlo chu kan mêlma tla chu an do ding asi. Chu nûn chun LALPA sinah nan ti ding mi tla leh nan hâwi Israel tla sinah nan ṭuan ding mi chu nan ti thluh ruangah nan kîr kho lai rawh. Chu tikah Jordan saklei ram hi nan tâ asi tak rawh ti LALPA nih an theihtir na lai.

THILTI 7:45

Chu ber chu kan thlâktu tla thlâk nawlh khawm nih an nei vima ding hen, Pathian nih kan thlâktu tla mâiah Phundang a nar mi tla ram an luah liauah khan Josua hen an lût; David hawng um tiang khan chunah chun a um ko.

JOSUA 18:2

Israel lakah phun sarih chu ram anna ting lo rih mi an um nget rih.

JOSUA 18:8

Josua nih chu hâwi hen thu a simh na rawh chun minung tla chu ram lem rîn ding hen an kal rawh. “Ram pumpi kal ver hen a lem siam ule, ka sinah hawng kîr nawlh u. Churawhchun, hi Siloh khua ah keimah nih chamchawhnâk siam hen nan rangah LALPA ka deih lai,” a ti.

JOSUA 19:51

Bâwlpu Eleazar, Nun fapa Josua, Israel phun lakah ruitu tla nih chun Siloh ah LALPA puanin mâika ah mah vo chiau theihnâk ah chamchawh hen an ṭhen. Hi hâwi hen ram ṭhen chu anna lîm rawh.

JOSUA 21:2

Kanaan ram Siloh khua ah an sinah thu an sim le, “LALPA nih Mosi mang hen khuapi tla umnâk ding hen hawng kan pêk ding leh a kiangkam ranrual tlawngnâk ding mun tla khawm hawng kan pêk ding hen thu a pêk,” an ti.

JOSUA 22:12

Israel mi tla nih chu chu an theih rawh chun, mi zawzawng tla chu saklei mi phun tla do ding hen Siloh khua ah an va a pûm rawh.

JOSUA 22:19

Nan ram ah LALPA sawnhnâk ding hen a tlâklo tuktarâi chun a Puanin umnâk LALPA ram ah hawng ko u me. Kanmah lakah mi ram khawm hawng kan deih ko u, sikhawmsele LALPA lakah hel rîlmâl lah u. LALPA kan Pathian mâichâm nûnah mâichâm dang siam hen kan lakah khawm hel lah u.

JOSUA 22:9

Churuangah Reuben leh Gad phun tla leh saklei mi Manaseh phun tla chu an in leiah an kîr rawh. Israel mi tla zawzawng Kanaan ram ah Siloh khua ah an mâk na le, Gilead ram Mosi mang hen LALPA nih thu a pêk na mi hâwi hen an lâk chia, anmah ram leiah chun tlung ding anna thawh rawh.

LÂIRÊL 18:31

Mikah milem chu Siloh khua ah Pathian sawnhnâk Puanin umnâk ah chun zeiliau zawng a um kumza rawh.

LÂIRÊL 21:12

Jabes khua ah nungâk thenhlimh zali ding an tawng, churawhchun Siloh khua riakmun ah an hawng put na, chu chu Kanaan ram ah mi asi.

LÂIRÊL 21:19

Churawhchun, an hawng ruat chiam le, “Kum siar hen Siloh ah LALPA kût um tâwn mi chu a nâi thlo rawh,” an ti. (Siloh chu Bethel marlei ah um mi asi, Lebonah simlei kângah Bethel leh Sekem karah mi saklei lampi ah.)

1 SAMUEL 1:24

Chun, a tlei dauh rawh chun Siloh khua ah a kalpi le, kum thum mi chawchal a put le, sangvut kilogramme râ leh uain savun dûr khat a put. Samuel chu a kalpi le, a ngâksia ual rih; Siloh khua ah LALPA in ah a kalpi rawh.

1 SAMUEL 1:3

Elkanah chu kum siar hen Ramah khua thawk hen Siloh khua ah LALPA zeizawng tikho sinah bâwlnâk ap ding leh va sawnh ding hen a kal tâwn le, chunah chun Hopni leh Phinehas Eli fapa panih chu LALPA bâwlpu an si.