JOSUA 17:14 - Bawm Common Language Bible Version

¹⁴ Josef thlâk tla nih Josua sinah, “Zei zia, ram chu tingvo khat cho hawng kan pêk zia? LALPA malsâwmnâk zârah minung kan tam thlo bâk rawh mi,” an ti.

JOSUA 17:14 ပူးပေါင်းရင်းမြစ်များ

GENESIS 48:19

A pa nih a thusim chu a remti lo, “Ka theih asi, ka fapa, Manaseh thlâk khawm hi mi cherkhet an si awt asi. Sikhawmsele, a naupa hi a upa ngâk hen a lian dauh lai, a thlâk tla chu phun rokual tak an si lai.”

GENESIS 48:20

Churawhchun, chu ni ah chun mal a sâwm na le, tihin a sim, “Israel tla nih malsâwmnâk an sim kip ah nan min an sim lai. ‘Pathian nih Efraim leh Manaseh hâwi hen an siam na seh,’ ” an ti lai. Churuangah chun Jakob nih Manaseh mâika ah Efraim a siah.

GENESIS 48:22

Sekem chu na unau tla sinah silo hen nangmah sinah kan pêk le, ka chanhtiang leh ka nâmsâu hen Amor tla lakah mi ram ningno tak ka lâk mi asi,” a ti.

NUMBER 26:54

Ram chu chamchawh hen ṭhen, a minung tam mi chu kâu dauh hen pêk, a minung tâwm mi chu bî dauh hen pêk na,” a ti.

NUMBER 36:12

Josef fapa Manaseh phun lakah mi tla hen anna umh le, an thil-le-rî tla chu an pa phun mi tâ asi rawh.

JOSUA 16:4

Josef thlâk tla, Efraim phun tla leh thlanglei mi Manaseh thlâk tla nih hi ram hi an tâ ding hen anna ting.

JOSUA 17:15

Josua nih a sâng le, “Chu hâwi tluk hen nan tam asi chun, Efraim tlâng ram nan rangah a bî tuktarâi chun thing mun ah va kal ule, Periz leh Rephaim umnâk ram chu nanmah rangah va siam u,” a ti na.