JOSUA 17:11 - Bawm Common Language Bible Version

¹¹ Aser leh Isakar ram sungah Manaseh nih â ting mi chu Beth Shan leh Ibleam, a kiangkam ah mi khuapi tla, Dor khua khawm (Vakap mi pakhat asi) Endor, Taanak, Megido leh a kiangkam mi khuapi tla.

JOSUA 17:11 ပူးပေါင်းရင်းမြစ်များ

2 SAMUEL 21:12

Gilead ah mi Jabes mipi tla thawk hen Saul leh Jonathan ruh tla a lâk. (Chu chu Beth San vântlâng umnâk ah mi an fîr mi asi, chu chu Philistia tla nih Gilboa Tlângah Saul an thah hen an thlâi mi kha asi.)

1 Lal 9:15

Lalchem Solomon nih a thuneihnâk hen rianṭuantu tla chu a Biakin leh lal in tla sak ding hen khuapi sak leikâng tla, khuapi kulh tla a siamtir na. Razor, Megido, leh Gezer khuapi tla sak thar nawlh ding hen a mang na.

2 Lal 9:27

Lalchem Ahaziah nih thil a hawng um mi a muh le, a kari hen Beth Hagan khua leiah a tek le, Jehu nih a ṭhâwl. Jehu nih a mi tla sinah, “Anih khawm thah bâk u,” ti hen thu a pêk na. Ibleam khua kiangah Gur kalnâk lampi ah kari lakah a kal liauah Ahaziah chu an liamh. Sikhawmsele, Megido khua tlung ding ko hen a tum le, chunah chun a thi rawh.

1 CHRONICLES 6:70

Manaseh phun umnâk ram tlânglei mi khua tla chu Aner leh Bileam rangah a kiangkam ran tlatnâk ram hen pêk asi ber.

1 CHRONICLES 7:29

Manaseh thlâk tla nih Beth Shean khuapi tla Taanak, Megida leh Dor khua leh a kiangkam ah mi khua tla chu an thuneihnâk tangah an siah. Hi bang zawzawng hi Jakob fapa Josef thlâk tla umnâk asi.

2 CHRONICLES 35:22

Sikhawmsele Pathian nih lalchem Neko mang hen thu a sim mi chu a ngâi duh lo le, dang tak hen â thuam le, Megido tuknâk phâi ah a va kal.

SAM 83:10

Endor ah na neh na le, an ruak tla tual ah a thû hep.

JEREMIA 49:2

Sikhawmsele Rabah khuapi mi tla chu râltuknâk hâu ka theihtir na lai le, râwk dep hen mâk hen a um lai le a khua tla duah hen a um ding mi tik chu a tlung rawh. Israel tla nih an ram lâktu lakah mi chu an suh nawlh na lai.

ZEKARIA 12:11

Chu tikah Jerusalem ah lungfâknâk chu Megido phâi ah Hadadrimon ruangah an lungfâk mi hâwi tluk hen an lung a fâk lai.

JOSUA 11:2

marlei kângah tlâng ram ah mi lalchem tla, Galili Rilî simlei kângah Jordan Vakuam mi tla, tlâng bul ah um mi tla, ramri leikângah Dor kiangah um mi sinah thu a thanh na rawh.

JOSUA 12:21

Taanak, Megido,

JOSUA 12:23

Dor (Tipi kap), Goim (Galili ah)

JOSUA 16:9

Chu thawk hen khuapi leh khua tênâu Manaseh phun tla umnâk ramri mi tla hen, sikhawmsele Efraim phun rangah pêk mi asi.

JOSUA 17:10

Efraim chu simlei kângah a um le, Manaseh chu marlei kângah, thlanglei kângah chun Mediteranian Tipi chu an ramri asi. Aser chu mar thlanglei kângah a um le, Isakar chu mar saklei ah.

JOSUA 17:16

Annih nih, “Tlâng ram chu kannih rangah a kâu tawk lo, phâi ah mi Kanaan mi tla nih chun thîr kari tla an nei, Beth Shan leh a kiangkam mi khuapi tla Jezreel Vakuam ah um mi tla khawm nih an nei,” an ti.

LÂIRÊL 1:27

Manaseh phun tla nih Beth Shan, Taanak, Dor, Ibleam, Megido leh a kiangkam ah khua lian ah um mi tla, Kanaan mi tla chunah um mi tla chu an nar na lo.

LÂIRÊL 5:19

Taanak ah Megido tiva leikâng hen Lalchem tla chu an hawng le an do; Kanaan lalchem tla nih an do le, sikhawmsele tangka tla an lâk lo.

1 SAMUEL 28:7

Churawhchun, Saul nih a minung tla chu “Mithi thlarau kawh thiam mi nunau hawng ka kawh piak ule, a sinah thu ka deih awt,” a ti. “Endor khua ah pakhat a um,” ti hen an sâng.

1 SAMUEL 31:10

A râlthuam chu an pathiannu Astarte in ah an siah le, a ruak chu Beth San khuapi kulh dâi ah an bêk.

1 SAMUEL 31:12

mi râlṭha tla chu zân khuadei ver hen Beth San khua leiah an va kal. Dâi ah mi Saul leh a fapa tla ruak chu an lâk le, Jebes ah an put na le, chunah chun an rawh na.