JOSUA 16:9 - Bawm Common Language Bible Version

⁹ Chu thawk hen khuapi leh khua tênâu Manaseh phun tla umnâk ramri mi tla hen, sikhawmsele Efraim phun rangah pêk mi asi.

JOSUA 16:9 ပူးပေါင်းရင်းမြစ်များ

2 SAMUEL 2:9

Chunah Abner nih Isboseth chu lalchem ah a siam le, Gilead, Aser, Jezreel, Efraim, Benjamin, leh Israel ram zawzawng rang ding ah.

1 CHRONICLES 7:28

Ram an lâk hen an umnâk chu Bethel leh a kiangkam mi khua tla, saklei kângah Naaran tiang, thlanglei kângah Gezer leh a kiangkam mi khua tiang asi. Sekem leh Aiah khuapi leh a kiangkam mi khua tla telhsih asi.

JOSUA 16:10

Sikhawmsele, Gezer ah um mi Kanaan mi tla chu an nar na lo, churuang chun Kanaan mi tla chu tutiang Efraim phun tla nâwngah an um. Sikhawmsele an to-aw ah rianṭuantir hen an um.

JOSUA 16:8

A ramri chu thlanglei kâng Tapuah thawk hen Kanah tiva Mediteranian Tipi ah a dawng, hi ram tla hi Efraim phun dâwngsungkhur rangah pêk asi.

JOSUA 17:9

Ramri chu thlanglei kâng Kanah tiva leikângah a ṭum. Chu tiva simlei kângah mi khuapi tla chu Efraim tâ asi, sikhawmsele Manaseh ramri kiangah um mi asi. Manaseh ramri chu tiva sîr marlei kângah a kal vima le, Mediteranian Tipi ah a dawng.