JOSUA 16:10 - Bawm Common Language Bible Version

¹⁰ Sikhawmsele, Gezer ah um mi Kanaan mi tla chu an nar na lo, churuang chun Kanaan mi tla chu tutiang Efraim phun tla nâwngah an um. Sikhawmsele an to-aw ah rianṭuantir hen an um.

JOSUA 16:10 ပူးပေါင်းရင်းမြစ်များ

1 Lal 9:15

Lalchem Solomon nih a thuneihnâk hen rianṭuantu tla chu a Biakin leh lal in tla sak ding hen khuapi sak leikâng tla, khuapi kulh tla a siamtir na. Razor, Megido, leh Gezer khuapi tla sak thar nawlh ding hen a mang na.

1 Lal 9:16

(Aigupta lalchem nih Gezer chu a do le, a lâk, a sungah mi tla chu a thah na le, khuapi chu a duah hep; a fanu Solomon nih a umpi mi rangah lâwmman a pêk le,

JOSUA 10:33

Gezer mi Horam lalchem chu Lakis bawmh ding hen a hawng le, sikhawmsele Josua nih amah leh a kawrsen tla chu a neh na le, a thah hep na.

JOSUA 15:63

Sikhawmsele Juda nih Jebus mi Jerusalem ah an um mi tla chu an nar kho lo, Juda mi tla hen munkhat hen an um ko.

JOSUA 16:9

Chu thawk hen khuapi leh khua tênâu Manaseh phun tla umnâk ramri mi tla hen, sikhawmsele Efraim phun rangah pêk mi asi.

JOSUA 17:12

Manaseh phun tla nih chun chubang khuapi ah um mi tla chu an nar na kho lo le, churuangah Kanaan mi tla chu chunah an um vima.

JOSUA 17:13

Israel tla chu an hawng chak dauh tik khawm ah Kanaan mi tla chu an nar ver na lo, sikhawmsele anmah rianṭuantu ah an mang na.

LÂIRÊL 1:29

Efraim phun tla khawm nih Gezer khuapi ah um mi Kanaan mi tla chu an nar na lo, churuangah Kanaan mi tla chu an sinah an um vima.