JOSUA 15:7 - Bawm Common Language Bible Version

⁷ ‘Akor’ (Nawknâk) Vakuâm thawk hen Debir leiah a kâi le, churawhchun marlei kâng Gilgal leiah, Adumim Liamnâk lei hawi hen tivakuam simlei sîr tiang. Chu thawk hen a kal vima le, Ensemes tiva lâi ah, Enrogel ah a va suak le,

JOSUA 15:7 ပူးပေါင်းရင်းမြစ်များ

2 SAMUEL 17:17

Abiathar fapa Jonathan leh Zadok fapa Ahimaz nih Jerusalem dâivâu Enrogel tikhurchawh ah an ngâk ko, khuapi ah an lût mi âukhawm muh lo ding hen. To-aw nunau ngâksia nih thil a tlung mi a va simh na tâwn le, churawhchun annih nih Lalchem David sinah kal hen an va simh ding hen.

1 Lal 1:9

Ni khat chu Adonijah nih Enrogel tinung kiangah Rûl lungpi (zebelet) lakah bâwlnâk dawrâ tla, chawchal tla leh chawlâ bit tak tla a ap. Lalchem David fapa tla leh lal rianṭuantu tla Juda ram ah um mi tla chu bâwlnâk puai lakah a tel ding hen a sâwm na.

ISAI 65:10

An hawng ka sawnh lai le, an dawrâ leh ranrual tla chu thlanglei ah mi Saron Phâi leh saklei ah mi “Akor” (Nawknâk Vakuam) ah an kalpi lai le, an tlawngtir lai.

JOSUA 10:43

Chu nûnah chun Josua leh a kawrsen tla chu Gilgal leiah an kîr rawh.

JOSUA 15:15

Chu thawk hen Debir khua mi tla do ding hen a kal. (Hi khua hi Kiriath Sepher ti hen an sak.)

JOSUA 15:6

Beth Hoglah tiang hen, Jordan Va tlûnlei marlei kâng tlâng tiang hen, Bohan Lung leikângah a kâi le, (Bohan chu Reuben fapa asi)

JOSUA 18:17

Churawhchun, marlei kângah her hen Ensemes leiah Geliloth ah, Adumim Liamnâk zâwn ah a kal. Bohan Lung leikângah ramri chu a liam le, (Bohan chu Reuben fapa asi)

JOSUA 4:19

Zapi tla nih Jordan Va chu a thla khatnâk ni râ ni ah an kanh le, Jeriko saklei Gilgal ah riakmun an khuar.

JOSUA 7:24

Josua leh Israel mi tla nih Akan, tangkasa, kawrfual leh ngûn tla, Akan fapa tla leh fanu tla, a ranrual tla, dawrâ tla, a puanin a neih dang zawzawng hen “Akor” (Nawknâk Vakuam) ah an kalpi rawh.

JOSUA 7:26

A tlûnah lung tam tak an pawng le, tutiang hen chunah chun a um rih. Churuangah asi, chu mun chu ‘’Akor’’ (Nawknâk Vakuam) an ti mi chu. Churawhchun, LALPA chu a thinthawk lo rawh.