JOSUA 15:47 - Bawm Common Language Bible Version

⁴⁷ Asdod leh Gaza khawm khua lian leh khua mê hen an um, Aigupta ramri kiang leh Mediteranian Tipi dawngnâk tiang ah a um.

JOSUA 15:47 ပူးပေါင်းရင်းမြစ်များ

1 Lal 5:4

Sikhawmsele, tu lam chun LALPA Pathian nih ramri zawzawngah thlangamnâk leh remnâk hawng ka pêk rawh. Tuk leh thahnâk ding hen âukhawm mêlma ka nei lo rawh.

2 Lal 18:8

Philistia mi tla chu a neh na le, an ram tla a rûn le, khuatê thawk hen a lian chem, Gaza leh a kiangkam mi ram zawzawng a rûn hep.

2 CHRONICLES 26:6

Uziah chu Philistia do ding hen a kal le, Gath, Jamnia, Asdod khuapi kulh tla a râwk hep le, Philistia ram kiangah mi Asdod kiangah khuapi kulhnei tla a siam.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

JEREMIA 47:1

Aigupta lal nih Gaza a do lânah, LALPA nih ka sinah Philistia mi tla thu a sim.

JEREMIA 47:5

Gaza mi tla sinah ngaihsiatnâk rokual tak a hawng tlung, Askelon mi tla chu an dâisip. Philistia um rih mi tla nih zeitiang an ulh awt?

ZEPHANIAH 2:4

Gaza khuapi mi tla pakhat khawm an him lai lo. Askelon chu a karo hen a um lai. Asdod mi tla chu sûnlân karah nar phin an si lai le, Ekron mi tla chu an khuapi lakah mi nar an si lai.

THILTI 8:26

Chun, Lalpa vânmifial pakhat nih Philip chu a sawnh le, “Thawk le, simlei Jerusalem thawk hen Gaza khua a tleng mi lampi ah khan kal rawh,” a ti. (Chu lampi chu ramkaro lampi asi.)

DEUTERONOMY 2:23

Kret tikulh lei mi tla chu Mediteranian kiangkam tla ah an um. Avim tla a tîr thawk hen umtu tla chu an veih na le, an ram Gaza khuapi simlei kâng mi tiang an lâk hep.)

JOSUA 11:22

Anakim murui rerêng chu Israel ram ah an zuah lo, sikhawmsele Gaza, Gath leh Asdod ah tâwm an um.

JOSUA 13:3

simlei ram ah Avim zawzawng, (Sihor va Aigupta ramri thawk hen Kanaan mi nih Ekron an ti mi marlei tiang hen, Philistia lalchem tla chu Gaza, Asdod, Askelon, Gath leh Ekron ah an um.)

JOSUA 15:4

Azmon leiah a kal vima le, Aigupta ram leiah tiva dung zûl hen a kal le, ramri dawnghnâk Mediteranian Tipi a tleng. Chu chu Juda phun tla simlei ramri asi.

JOSUA 15:46

Khuapi leh khuatê Asdod, Ekron thawk hen Mediteranian Tipi tiang um mi tla an si.

JOSUA 15:48

Tlâng ram mi tla chu Samir, Jatir, Sokoh,