JOSUA 15:4 - Bawm Common Language Bible Version

⁴ Azmon leiah a kal vima le, Aigupta ram leiah tiva dung zûl hen a kal le, ramri dawnghnâk Mediteranian Tipi a tleng. Chu chu Juda phun tla simlei ramri asi.

JOSUA 15:4 ပူးပေါင်းရင်းမြစ်များ

GENESIS 15:18

Chun, chunah chun LALPA nih Abram sinah thudân a tuk rawh. Hi hâwi hen a ti; “Hi ram hi Aigupta ramri thawk hen Eufretis Tipi tiang na thlâk tla ka pêk rawh.

1 Lal 8:65

Chu Biakin ah chun Solomon leh Israel mi zapi tla nih chun Basâ Kût puai chu ni sarih an mang. Chunah chun minung thungâi an tam le, marlei kângah chun Hamat Liamnâk ram thawk hen a hawng mi leh simlei kângah chun Aigupta ramri thawk hen hawng mi an si.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

ISAI 27:12

Chu ni ah chun, LALPA nih a mi tla chu Eufretis tiva thawk hen Aigupta ramri tiang hen, pakhat khat hen a pumh na lai le, âunih mawh a fâng leh a hî a thlei mi hâwi hen.

NUMBER 34:5

Aigupta ramri leikâng kuam ah a hawng kal lai le, Mediteranian Tipi ah a dawng lai.

JOSUA 13:3

simlei ram ah Avim zawzawng, (Sihor va Aigupta ramri thawk hen Kanaan mi nih Ekron an ti mi marlei tiang hen, Philistia lalchem tla chu Gaza, Asdod, Askelon, Gath leh Ekron ah an um.)

JOSUA 15:3

Akrabim Liamnâk thawk hen simlei kâng a kal le, Zin tiang asi. Kades Barnea simlei ah a kal le, Hezron pal hen Adar leiah a kâi le, Karka leiah a pial.

JOSUA 15:47

Asdod leh Gaza khawm khua lian leh khua mê hen an um, Aigupta ramri kiang leh Mediteranian Tipi dawngnâk tiang ah a um.