JOSUA 13:7 - Bawm Common Language Bible Version

⁷ Tuah phun kua tla leh Manaseh phun khingkhuai rangah ṭhenh na le, mah rang chiau anna ting kho ding hen.

JOSUA 13:7 ပူးပေါင်းရင်းမြစ်များ

SAM 105:44

Midang tla ram chu a pêk le, an phâisen tla chu a lâktir na.

SAM 78:55

A mi le tla mang hen ram luahtu tla chu a nar le; Israel phun tla a ṭhenh na, an in tla chu a mi le tla a pêk na.

EZEKIEL 45:1

Ram chu phun kip sinah an vo tla ṭhenh asi rawh chun tingvo khat chu LALPA rangah ap ding asi. A sâu lei chu kilometre leinih leh a khing, a kauh lei kilometre râ asi ding asi. A sung pumpi chu a thenhlimh ding asi.

NUMBER 33:54

An chi leh phun tla lakah ram chu chamchawh hen ṭhenh na ule, a chi tam dauh mi tla sinah tam dauh pêk ule, a chi tâwm dauh mi sinah tâwm dauh hen pêk na u.

NUMBER 34:13

Mosi nih Israel tla sinah, “Hi ram hi asi chamchawh hen nanna ting ding mi ram chu, chu ram chu LALPA nih phun kua leh a khingkhuai umnâk rangah a ruat mi chu asi.

JOSUA 13:6

Hi hi Sidon ram zawzawng, Lebanon tlâng leh Misrephoth Maim karah mi tlâng ram ah um mi tla an si. Hi bang minung tla zawzawng hi Israel kalnâk kip mi chu ka nar phin na lai. Ram chu Israel tla sinah ti ding hen thu ka pêk hâwi hen Israel tla lakah na ṭhenh zâr na ding asi.

JOSUA 13:8

Reuben leh Gad phun tla leh Manaseh phun khingkhuai tla nih LALPA to-aw Mosi nih a pêk na liauah ram chu anna ting ving rawh le, chu chu Jordan Va saklei ram asi.

JOSUA 14:2

LALPA nih Mosi sinah thu a pêk mi hâwi hen phun kua leh a khingkhuai tla lakah Jordan Va thlanglei ram chu chamchawh hen anna ṭhen.