JOSUA 13:31 - Bawm Common Language Bible Version

³¹ Gileed ram khingkhuai Astarot, Edrei leh Basan ram ah mi Og lalchem khuapi tla telhsih hen. Hi bang zawng tla hi Makir fapa Manaseh phun thlâk khingkhuai tla rangah pêk mi chu asi.

JOSUA 13:31 ပူးပေါင်းရင်းမြစ်များ

1 CHRONICLES 6:71

Gerson thlâk dâwngsungkhur rang chun hi bang khua leh a kiangkam ran tlatnâk tla hen pêk an si: Manaseh phun umnâk saklei ram: Basan a mi Golan leh Astarot.

SAM 60:7

Gilead chu ka tâ asi le, Manaseh khawm; Ephraim chu ka lukhuh, Juda chu ka lal ṭhianṭhunh asi.

JOSUA 12:4

Basan lalchem Og, Rephaim phun lakah a madung chem mi pakhat, Astarot leh Edrei ah lâirêltu khawm an neh rawh.

JOSUA 13:12

Og lalchem Astarot leh Edrei ah lâirêltu Rephaim phun madung chem ram telhsih hen. Mosi nih hi bang minung tla hi a nar phin na.

JOSUA 13:32

Hi hi Mosi nih Moab phâi ah Jeriko leh Jordan Va saklei ram a ṭhen dân chu asi.

JOSUA 17:5

Churuangah chun asi, Manaseh phun tla nih chun Gilead leh Basan, Jordan saklei mi ram chu tingvo râ anna ting mi chu.

JOSUA 17:6

Chu thawk hen a fanu leh a fapa thlâk tla rangah chun ram chu ruat piak asi rawh. Gilead ram chu Manaseh thlâk dang tla zawzawng rangah ruat asi.

JOSUA 9:10

Amor lalchem panih Jordan saklei mi Hesbon lalchem Sihon leh Basan lalchem Og Astarot ah um mi lakah a thilti tla khawm kan theih.

LÂIRÊL 10:6

Israel tla chu LALPA tlûnah thilsual an ti fâwn le, Baal leh Astartes, Siria, Sidon, Moab, Amon leh Philistia pathian tla chu an sawnh. LALPA chu an kaltâk le, amah an sawnh mi chu an bâng rawh.

LÂIRÊL 5:17

Gad phun tla chu Jordan saklei ah an um le, Dan phun chu timeilawng tla ah an um Aser phun tla chu tipi kap ah an um le; tivakap vima ah an um.

1 SAMUEL 12:10

Churawhchun, LALPA rangah ṭangpitu ah an ngiar le, a sinah, ‘LALPA na sinah mi kan pial tâk ruangah kan sual asi. Baal leh Astarte lem tla kan sawnh. Kan mêlma lakah mi ruang hawng kan suah le, nangmah kan sawnh awt rawh,’ an ti.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.