JOSUA 13:3 - Bawm Common Language Bible Version

³ simlei ram ah Avim zawzawng, (Sihor va Aigupta ramri thawk hen Kanaan mi nih Ekron an ti mi marlei tiang hen, Philistia lalchem tla chu Gaza, Asdod, Askelon, Gath leh Ekron ah an um.)

JOSUA 13:3 ပူးပေါင်းရင်းမြစ်များ

GENESIS 10:6

Ham thlâk tla chu Kus, Aigupta, Libia leh Kanaan an si. Hi bang tla hi thlâktu min puttu tla an si.

GENESIS 15:18

Chun, chunah chun LALPA nih Abram sinah thudân a tuk rawh. Hi hâwi hen a ti; “Hi ram hi Aigupta ramri thawk hen Eufretis Tipi tiang na thlâk tla ka pêk rawh.

1 Lal 8:65

Chu Biakin ah chun Solomon leh Israel mi zapi tla nih chun Basâ Kût puai chu ni sarih an mang. Chunah chun minung thungâi an tam le, marlei kângah chun Hamat Liamnâk ram thawk hen a hawng mi leh simlei kângah chun Aigupta ramri thawk hen hawng mi an si.

1 CHRONICLES 13:5

Kiriath Jearim ah mi Thudântuk Bâwm chu Jerusalem ah put ding hen David nih Israel ram ah mi zawzawng, Aigupta ramri simlei kâng thawk hen marlei Hamat Liamnâk tiang a pumh hep na.

ISAI 23:3

Aigupta ram ah an chîng mi fâng tla châwk le zuar ding hen phun zawzawng tla sinah sawleh ding hen tipi kanh hen mi tla na fial na.

JEREMIA 2:18

Aigupta ram ah kal hen Nile tiva ah mi tî din hen zei dingchangnâk tawng ding hen me na ruat? Asiria leiah Eufretis tiva tî din ding hen va kal chu zei dingchangnâk tawng ding hen me na ruat?

DEUTERONOMY 2:23

Kret tikulh lei mi tla chu Mediteranian kiangkam tla ah an um. Avim tla a tîr thawk hen umtu tla chu an veih na le, an ram Gaza khuapi simlei kâng mi tiang an lâk hep.)

JOSUA 13:13

Sikhawmsele, Israel tla nih Gesur leh Maakah ah mi chu an nar na lo; Israel tla sinah an um ko rih.

LÂIRÊL 16:5

Philistia lal panga chu, chu mi nunau sinah an kal le, a sinah, “Samson rangah perpet le, hi hâwi tluk hen a chaknâk hi, zeitin kan phuar hen zeikhawm ti kho lo hen kan siam kho ding dân a nan simh ding hen. Tangka sângkhat leh za khat seng kan pêk lai,” an ti.

LÂIRÊL 3:3

Chubang ram lakah um mi tla chu Philistia khuapi panga, Kanaan mi zawzawng, Sidon mi tla leh Hiv mi tla Lebanon tlângah um mi Baal Hermon tlâng thawk hen Hamath liamnâk tiang hen um mi tla zawzawng an si.

1 SAMUEL 5:1

Philistia mi tla nih Thudântuk Bâwm an lâk rawh chun Ebenezer sinah mi chu Asdod khua ah an kalpi.

1 SAMUEL 5:10

Churawhchun, Thudântuk Bâwm chu Ekron leiah an kalpi rawh, chu chu Philistia khuapi dang pakhat asi. Sikhawmsele chunah an va tlungpi rawh chun chunah mi tla chu an âu le, “Israel Pathian Thudântuk Bâwm kanmah hawng kan thah ding hen an hawng put rawh!” an ti.

1 SAMUEL 5:8

Churawhchun, mi an fial le, Philistia lal panga a pum ding hen an kawhtir na le, “Israel Pathian Thudântuk Bâwm hi zeitin kan ti lai rawh?” ti hen thu anna deih. “Gath leiah kalpi u,” ti hen an sâng. Churawhchun, Gath ah Philistia khuapi dang an ti mi ah chun an kalpi.

1 SAMUEL 6:4

Mi zapi tla nih, “Zei lâwmman me kan kuat lai?” ti hen an deih na. Annih nih an sâng le, Philistia lal zat hen a ngawr mi lem panga leh Chaichin lem panga ngun hen siam u. Chu râi chu nan tlûnah leh lal tla tlûnah a tlung mi asi.