JOSUA 13:27 - Bawm Common Language Bible Version

²⁷ Jordan Vakuam ah Beth Haram, Bethnimrah, Sukoth leh Saphon, Hesbon ah mi Sihon lalchem ram telhsih hen asi. Thlanglei mi ramri chu Jordan Va simlei kâng Galili Rilî tiang asi.

JOSUA 13:27 ပူးပေါင်းရင်းမြစ်များ

GENESIS 33:17

Sikhawmsele, Jakob chu Sukot ah um mun a khuar, a ran leh amah umnâk ding hen. Churuangah asi chu mun chu Sukot an ti nâk chu.

1 Lal 7:46

Jordan Vakuam ah Sukot leh Zarethan mun ah thil siamnâk mun chu lalchem nih â ting rawh.

SAM 60:6

Pathian nih a mun thenhlimh thawk hen, “Nehnâk ni ah chun Sekem mun chu ka ṭhen lai le, ka mi le sinah Sukot Kuam chu ka ṭhenhzâr na lai.

NUMBER 32:3

“LALPA nih Israel mi tla rangah luahtir na ding hen a ṭangpi na mi khua tla - Atarot, Dibon, Jazer, Nimrah, Hesbon, Elealeh, Sibmah, Nebo leh Beon tla hi ran rangah ram ṭha tak asi le, kannih tâ nih ran thungâi kan chawng.

NUMBER 32:36

Bet Nimrah leh Bet Haran an sak nawlh.

NUMBER 34:11

Simlei kâng Ain Saklei Harbel ah, Galili rilî saklei kâng tlâng leiah kal vima hen,

LUK 5:1

Chun, hi hâwi hi asi le, mi zapi nih Pathian thu an ngâi le, amah an naih dûlmâl liauah, anih chu Genesaret Rilî kap ah chun a dîr le,

DEUTERONOMY 3:17

Thlanglei kângah chun Jordan Va tiang asi le, marlei kângah Galili rilî thawk hen simlei kângah mi Tipi Thi ah a kal le, saklei kângah Pisgah Tlâng bul tiang a asi.

JOSUA 11:2

marlei kângah tlâng ram ah mi lalchem tla, Galili Rilî simlei kângah Jordan Vakuam mi tla, tlâng bul ah um mi tla, ramri leikângah Dor kiangah um mi sinah thu a thanh na rawh.

JOSUA 12:3

Jordan Vakuam khawm uap sih hen simlei kângah Galili Rilî thawk hen Beth Jesimoth tiang hen (saklei ah Tipi Thi) leh Pisgah tlângbul lei tiang asi.

JOSUA 13:26

An ram chu Hesbon thawk hen Ramath, Mizpeh leh Betonim tiang, Mahanaim thawk hen Lodebar ramri tiang asi.

JOSUA 13:28

Hi bang khuapi tla leh khua tla hi Gad phun tla tingvo rangah pêk asi.