JOSUA 13:14 - Bawm Common Language Bible Version

¹⁴ Mosi nih Levi phun tla rangah chun ram a pêk na lo. LALPA nih Mosi sinah a simh mi hâwi hen Israel LALPA leh Pathian mâichâm ah bâwlnâk lakah mi tingvo chu an vo ah ting ding an si bâk.

JOSUA 13:14 ပူးပေါင်းရင်းမြစ်များ

EZEKIEL 44:28

“Bâwlpu tla chu bâwlpu sinâk Israel tla lakah ka pêk na mi chu thlâk khat thawk hen thlâk dang a um ding mi lakah anna ap singsuan vima ding asi. Israel lakah mi thil anna tleih kumza ding asi lo; an thil herh zawzawng chu keimah kasi.

EZEKIEL 44:29

Fâng thil ap, sual thil ap leh rulhnâk thil ap chu bâwlpu tla ei ding mi asi le, Israel lakah mi thil zeizawng ka rangah a dang ê hen an siah mi chu an tawng ding mi asi.

DEUTERONOMY 10:9

Churuangah asi, Levi phun tla chu phun dang hâwi hen ram an nei lo mi chu; LALPA nan Pathian nih thu a tiamh hâwi hen LALPA bâwlpu tla tawng mi chu an tâ asi bâk ko.)

DEUTERONOMY 12:12

Chunah LALPA umnâk ah chun nan fa tla, nan to-aw tla, nan khua lakah Levi um mi tla hen munkhat lâwm tak hen um ule; Levi tla nih anmah rang ê hen mun an nei lo ti theihkumza u.

DEUTERONOMY 12:19

Nan ram ah nan um sung zawzawng chu Levi tla rangah thlawrhthlâu lah na u.

JOSUA 13:13

Sikhawmsele, Israel tla nih Gesur leh Maakah ah mi chu an nar na lo; Israel tla sinah an um ko rih.

JOSUA 13:15

Mosi nih ram zeimaw zat chu Reuben dâwngsung rangah an tâ ding hen a pêk na rawh.

JOSUA 13:33

Sikhawmsele, Mosi nih Levi phun tla rangah lam chun ram rerêng a pêk na lo. Israel tla LALPA Pathian vo chu an vo ding asi ti hen a simh na.

JOSUA 18:7

Sikhawmsele Levi murui nih chun tuah nan lakah vo ting lo mi tla hâwi hen vo an nei lo, annih tla lam chu LALPA bâwlpu tla rianṭuantu an si ruangah. Asi, Gad phun leh Reuben phun leh saklei kângah um mi Manaseh phun tla nih chun Jordan Va saklei ram anna ting rawh le, LALPA to-aw Mosi nih an sinah a pêk na rawh asi” a ti.