JOSUA 13:13 - Bawm Common Language Bible Version

¹³ Sikhawmsele, Israel tla nih Gesur leh Maakah ah mi chu an nar na lo; Israel tla sinah an um ko rih.

JOSUA 13:13 ပူးပေါင်းရင်းမြစ်များ

GENESIS 35:22

Jakob chu chu ram ah a um liau chun, Reuben nih a pa nupisûn Bilhah chu a ihpi le, Jakob nih a theih le, thungâi a thinthawk. Jakob nih fapa leinih a nei.

2 SAMUEL 10:6

Amon mi tla nih David chu an mêlma ah an siam rawh ti an theih le, Bethrehob leh Zobah ah mi Siria kawrsen sîng nih Tob ah mi sîng khat sâng nih, Maakah lalchem nih minung sâng a hawng put.

2 SAMUEL 3:3

Kileab nu chu Karmel ah mi Nabal nupi roh Abigail asi, Absalom nu chu Gesur lal Talmai fanu Maakah asi,

NUMBER 33:55

Sikhawmsele, chu ram ah um mi tla nan nar hep lo chun, nan thah bang tla nih an nawktir na lai le, nan mit sunhtu leh nan tak lakah ling hâwi an si lai le, nanmah dotu an si lai.

DEUTERONOMY 3:14

Jair, Manaseh phun a mi nih Argob ram pumpi, chu chu Basan asi, Gesur leh Maakah ram tiang hen a lâk. Amah min put hen min a phuah le, Jair khua tla ti hen theih an si nget rih.)

JOSUA 12:5

A ram sungah mi ram tla chu Hermon Tlâng, Salekah, Basan ram zawzawng Gesur leh Maakah tiang hen, Gilead ram khingkhuai khawm, Hesbon ah mi lalchem Sihon ramri tiang asi.

JOSUA 13:11

Gilead ram fawnh sih hen, Gesur leh Maakah, Hermon Tlâng zawzawng leh Basan ram tla, Salekah tiang hen.

JOSUA 13:12

Og lalchem Astarot leh Edrei ah lâirêltu Rephaim phun madung chem ram telhsih hen. Mosi nih hi bang minung tla hi a nar phin na.

JOSUA 13:14

Mosi nih Levi phun tla rangah chun ram a pêk na lo. LALPA nih Mosi sinah a simh mi hâwi hen Israel LALPA leh Pathian mâichâm ah bâwlnâk lakah mi tingvo chu an vo ah ting ding an si bâk.

1 SAMUEL 27:8

Chu liau chun David nih a mi tla hen Gesur, Girzi leh Amalek mi hun sâwt tak um mi tla an do na. An ram chu Sur tiang an rûn le, Aigupta leiah kalnâk lampi tluan hen.