JOSUA 12:6 - Bawm Common Language Bible Version

⁶ Chu lalchem panih tla chu Mosi leh Israel tla nih an neh mi asi. Mosi, LALPA to-aw nih an ram tla chu Reuben phun leh Gad phun, Manaseh phun khingkhuai tla rang ding ah a pêk na.

JOSUA 12:6 ပူးပေါင်းရင်းမြစ်များ

1 Lal 4:19

Uri fapa Geber chu: Gilead ram, Amor lalchem Sihon leh Basan lalchem Og nih a lânah lâi an rêlnâk ram hotu asi. Hi bang leinih silo hen ram pumpi ah lâirêltu pakhat a um rih.

NUMBER 32:29

“Reuben leh Gad mi tla nih Jordan an hawng kanh chun LALPA thupêk hen râltuk ding hen a tîm ule, anmah tla ṭangpi hen ram chu nan neh kho chun, chu tikah Gilead ram chu anmah rang ding ah pêk na u.

NUMBER 32:32

A thupêk hen Jordan kan kanh lai le, râltuk ding hen Kanaan leiah kan kal lai, chu tikah Jordan saklei hinah kan thil ting ding mi chu kanna ting kho lai rawh,” an ti.

NUMBER 32:33

Churawhchun, Mosi nih Gad leh Reuben phun leh Manaseh phun khingkhuai chu Amor lalchem Sihon leh Basan lalchem Og ram zawzawng an kiangkam mi khuapi tla leh ram chu anmah rang ding ah a ruat rawh.

JOSUA 14:3

Mosi nih Jordan Va saklei ram chu phun nih leh a khingkhuai rangah a pêk ving na rawh. (Josef thlâk tla chu phun nih hen anna ṭhen le, Manaseh leh Efraim) an si. Sikhawmsele Mosi nih Levi tla rangah lam chun ram tingvo a pêk na lo. Ram ruangrûl ah khuapi an umnâk leh an ranrual rangah phâisen anna ting bâk.

JOSUA 18:7

Sikhawmsele Levi murui nih chun tuah nan lakah vo ting lo mi tla hâwi hen vo an nei lo, annih tla lam chu LALPA bâwlpu tla rianṭuantu an si ruangah. Asi, Gad phun leh Reuben phun leh saklei kângah um mi Manaseh phun tla nih chun Jordan Va saklei ram anna ting rawh le, LALPA to-aw Mosi nih an sinah a pêk na rawh asi” a ti.

JOSUA 22:4

Tuah LALPA, nan Pathian nih a tiamh rawh hâwi hen nan hâwi Israel tla rangah thlangamnâk a pêk rawh. Churuang chun Jordan Va saklei ram LALPA to-aw Mosi rangah nan deih le, a nan pêk na mi ram ah tlung u rawh.