JOSUA 12:1 - Bawm Common Language Bible Version

¹ Israel tla nih an neh rawh mi Jordan Va saklei ram Arnon Vakuam tiang hen leh marlei kângah Hermon Tlâng tiang an luah rawh.

JOSUA 12:1 ပူးပေါင်းရင်းမြစ်များ

1 Lal 4:19

Uri fapa Geber chu: Gilead ram, Amor lalchem Sihon leh Basan lalchem Og nih a lânah lâi an rêlnâk ram hotu asi. Hi bang leinih silo hen ram pumpi ah lâirêltu pakhat a um rih.

SAM 133:3

Hermon Tlângah dâmtî fîm a tlâ mi hâwi leh Zion tlâng tlûnah a tlâ mi hâwi chu asi. Chunah chun LALPA nih a malsâwmnâk thu nungnâk dawng kho lo a tiamh.

SAM 136:21

An ram tla chu a mi le a pêk na; a dâwtnâk chu zungzâl asi.

SAM 89:12

Sim leh mar na siam; Tabor Tlâng leh Hermon Tlâng chu na sinah lâwm hen la an sak.

ISAI 16:2

Arnon Tiva kap ah an ngâk ko le, tumnâk lêm nei lo hen khatlei khatlei ah va nih a bû a kaltâk mi hâwi hen sawk hen an um.

NUMBER 21:13

Chu thawk hen chun anna ṭhial nawlh le, Arnon Tiva marlei kâng Amor mi ramri dêng khet hen um mi ramkaro ah mun an khuar. (Arnon chu Moab mi leh Amor mi anna kar ramri asi.)

NUMBER 21:21

Israel tla nih Amor mi Sihon lalchem sinah mi an fial:

NUMBER 21:24

Sikhawmsele Israel tla nih an mêlma tla chu tuknâk ah tam tak an thah na le, marlei mi Amon Tiva thawk hen Jabok tiang, Arnon murui umnâk tiang an luah, chu chu Amon mi tla leikâng asi, Amon mi tla ramri chu vêng thlir asi ruangah.

NUMBER 32:19

Jordan varâl leiah chun an lakah mi neih zeikhawm kan lâk awtlo, hinah Jordan saklei kannih chu tingvo kan nei rawh ruangah,” an ti.

NUMBER 32:32

A thupêk hen Jordan kan kanh lai le, râltuk ding hen Kanaan leiah kan kal lai, chu tikah Jordan saklei hinah kan thil ting ding mi chu kanna ting kho lai rawh,” an ti.

NUMBER 32:33

Churawhchun, Mosi nih Gad leh Reuben phun leh Manaseh phun khingkhuai chu Amor lalchem Sihon leh Basan lalchem Og ram zawzawng an kiangkam mi khuapi tla leh ram chu anmah rang ding ah a ruat rawh.

DEUTERONOMY 2:24

“Moab ram kan lanh nûnah LALPA nih kan sinah, ‘Tuah a thawh ule, Arnon Va kanh u. Sihon, Hesbon ah mi Amor lalchem leh a ram chu nan thu neihnâk tangah ka siah rawh. Do ule, a ram chu luah u.

DEUTERONOMY 2:32

Sihon chu a mi zawzawng hen Jahaz khuapi kiangah hawng kan do ding hen a hawng le,

DEUTERONOMY 3:1

“Churawhchun, marlei kângah mi Basan ram ah kanna ṭhial le, Edrei khua kiangah hawng kan do ding hen Og lalchem chu a mi tla zawzawng hen an hawng suak.

DEUTERONOMY 4:44

Mosi nih Israel tla chu Pathian dân leh sîntirnâk a pêk na.

DEUTERONOMY 4:48

Hi ram hi Aroer khuapi thawk hen Arnon Tiva rîl hen; marlei kângah Sirion Tlâng tiang asi, chu chu Hermon Tlâng asi.

JOSUA 1:15

Jordan Va thlanglei kâng ram, LALPA nan Pathian nih a pêk na mi an luah tiang hen ṭangpi na ding hen nan hâwi Israel tla mâi nan ruai na hen nan ṭangpi na ding asi. Him tak hen Israel fa tla rangah pêk asi tikah hi Jordan saklei Mosi, LALPA to-aw nih an pêk na mi nan ram ah hin nan hawng kîr lai le, nan um lai rawh,” a ti.

JOSUA 11:17

Simlei kâng Edom kiangah mi Halak Tlâng thawk hen marlei kângah Baalgad tiang asi, chu chu Hermon Tlâng simlei Lebanon kuam asi. Josua chu hi tlâng ram lalchem tla hen hun sâwt tak anna do, sikhawmsele a thah hep na le, a lâk hep na.

JOSUA 11:3

Chu lo khawm ah Jordan Va kiangkam Kanaan mi tla, Amor mi tla, Hit mi tla, Periz mi tla, tlâng ram ah Jebus mi tla, Mizpah ram ah Hermon Tlâng bul ah Hiv um mi tla sin khawm ah thu a thanh na.

JOSUA 13:8

Reuben leh Gad phun tla leh Manaseh phun khingkhuai tla nih LALPA to-aw Mosi nih a pêk na liauah ram chu anna ting ving rawh le, chu chu Jordan Va saklei ram asi.

JOSUA 22:4

Tuah LALPA, nan Pathian nih a tiamh rawh hâwi hen nan hâwi Israel tla rangah thlangamnâk a pêk rawh. Churuang chun Jordan Va saklei ram LALPA to-aw Mosi rangah nan deih le, a nan pêk na mi ram ah tlung u rawh.

LÂIRÊL 11:18

Churawhchun, ramkaro pal hen an kal le, Edom leh Moab ram chu an hêl le, Moab ram saklei ah, Arnon Va varâl leiah an kal rawh. Chunah chun Riakmun an khuar le, Moab ramri asi ruangah Arnon Va chu an kanh lo.