JOSUA 11:8 - Bawm Common Language Bible Version

⁸ LALPA nih Israel tla chu anmah a nehtir na le, Israel tla nih an do na le, marlei kângah Misrephot Maim leh Sidon tiang hen an ṭhâwl na, saklei kângah Mizpah kuam tiang an ṭhâwl na. An do vima na le, pakhattê khawm relh lo hen an thah hep na.

JOSUA 11:8 ပူးပေါင်းရင်းမြစ်များ

GENESIS 10:15

Kanaan fa tla chu Sidon, fapa upachem mi leh Heth chu tla chu thlâktu min puttu tla an si.

GENESIS 49:13

“Zebulun chu tipi kapah a um lai, A vakap chu lawng dinhnâk mun asi lai. A ramri chu Sidon tiang asi lai.

2 SAMUEL 24:6

Gilead leh Kades Hit ram tiang an kal. Churawhchun, Dan ah an kal le, chu thawk hen Sidon thlanglei ah an kal rawh.

ISAI 23:4

Sidon khuapi, na mualpho rawh! Tipi leh tisumsumriat rokual tak thûk tak nih a nan nawng rawh, “Fa rerêng ka nei lo. Fanu fapa khawm ka ring dahlo,” a ti.

ZEKARIA 9:2

Hadrak ramrî mi Hamat khawm a tâ asi le, churuang chun Tura khuapi tla leh Sidon khuapi lak khawm ah an thil thiamnâk zawzawng hen an tikho rirî hen an ti.

DEUTERONOMY 7:2

LALPA, nan Pathian nih hi bang minung tla hi nan thiltikhonâk ah a siah na hen nan neh na tikah chun nan thah hep na ding asi. Anmah hen a tlainâk mawh, an lakah khuaruatnâk rêng nei lah u.

DEUTERONOMY 9:3

Sikhawmsele, nanmah ngelchel nih LALPA nan Pathian chu nan mâilei ah meihumpi hâwi hen a kal mi nan muh lai. Nan kalnâk zawng nan neh vima lai le, nan nar phin na lai, thu a tiamh hâwi hen tuko ah nan neh dep lai.

JOSUA 10:20

Josua leh Israel mi tla nih an thah na, sikhawmsele a zeimaw mi chu khuapi sungah himnâk an hâwl le, thah an si lo.

JOSUA 11:3

Chu lo khawm ah Jordan Va kiangkam Kanaan mi tla, Amor mi tla, Hit mi tla, Periz mi tla, tlâng ram ah Jebus mi tla, Mizpah ram ah Hermon Tlâng bul ah Hiv um mi tla sin khawm ah thu a thanh na.

JOSUA 11:7

Churawhchun, Josua leh a minung tla nih Merom Tiva ah chê rê hen an do na rawh.

JOSUA 13:6

Hi hi Sidon ram zawzawng, Lebanon tlâng leh Misrephoth Maim karah mi tlâng ram ah um mi tla an si. Hi bang minung tla zawzawng hi Israel kalnâk kip mi chu ka nar phin na lai. Ram chu Israel tla sinah ti ding hen thu ka pêk hâwi hen Israel tla lakah na ṭhenh zâr na ding asi.

JOSUA 19:28

Ebron, Rehob, Hamon leh Kanah pal hen Sidon tiang a kal.

JOSUA 21:44

Ram chu thlangam tak hen LALPA nih a pêk na le, an pu tla sinah a tiamh na rawh hâwi hen. Anmah dotu an mêlma zawzawng lakah pakhat khawm anmah do khotu an um lo, LALPA nih Israel tla chu an mêlma zawzawng lakah nehtu ah a siam na rawh ruangah.