JOSUA 11:3 - Bawm Common Language Bible Version

³ Chu lo khawm ah Jordan Va kiangkam Kanaan mi tla, Amor mi tla, Hit mi tla, Periz mi tla, tlâng ram ah Jebus mi tla, Mizpah ram ah Hermon Tlâng bul ah Hiv um mi tla sin khawm ah thu a thanh na.

JOSUA 11:3 ပူးပေါင်းရင်းမြစ်များ

GENESIS 31:49

Laban khawm nih, “A dang hen kan um khawm ah Pathian nih hawng kan zauh chiau seh,” a ti. Chu mun chu a min ah Mizpah khawm an ti.

2 SAMUEL 24:16

LALPA vânmifial nih Jerusalem a râwk awt liauah leh a thah na liauah LALPA nih a thinlung a dangtir le, “Bâng rawh! Â tâwk rawh!” a ti. Vânmifial chu Jebus mi tla fâng chîlnâk mun Araunah mun ah a um.

2 SAMUEL 24:7

Churawhchun, saklei Tura khuapi kulhnei leh Hit mi leh Kanaan khuapi ah an kal, a dawnghnâk ah Juda simlei kângah Bersheba tiang an kal.

1 Lal 15:22

Churawhchun, lalchem Asa nih Juda ram pakhat khawm âk lo hen Ramah khua mi lung leh thing Baasha nih kulh rangah a mang mi chu thiarpi ding hen thu a pêk. Asa nih chu ruakhâu hen chun Benjamin ram ah khuapi Mizpah leh Geba khua kulh a siam.

1 Lal 9:20

Lalchem Solomon nih rianṭuantu rang ding ah a siam na mi chu Kanaan mi thlâk tla, Israel tla nih an ram an lâk liauah an thah na lo mi tla an si. Chubang tla lakah chun Amor, Hit mi, Periz mi, Hiv mi leh Jebus mi tutiang ah an thlâk sal ah an um mi tla chu an si.

SAM 133:3

Hermon Tlângah dâmtî fîm a tlâ mi hâwi leh Zion tlâng tlûnah a tlâ mi hâwi chu asi. Chunah chun LALPA nih a malsâwmnâk thu nungnâk dawng kho lo a tiamh.

SAM 89:12

Sim leh mar na siam; Tabor Tlâng leh Hermon Tlâng chu na sinah lâwm hen la an sak.

LA TLA LA 4:8

Ka nupi, Lebanon Tlângah mi ka sinah hawng rawh; Lebanon thawk hen ka sinah hawng. Amana tlâng tlûnah mi chu hawng ṭum le, chakeibaknei leh keitê umnâk Senir leh Hermon Tlângah mi chu hawng ṭum rawh.

JEREMIA 40:10

Keimah ngelchel khawm Mizpah ah ka um lai le, hinah Babulon mi tla an hawng tikah nanmah ruangrûl ka um lai. Sikhawmsele nan luah mi khua tla ah nan um lai le, uain tla, theirah tla leh oliv sariak tla nan pumh lai le, munkhat kâ ah nan siah lai,” a ti.

JEREMIA 40:6

Churawhchun, lâwmman leh eibâr tla put ding mi hawng ka pêk le, ka kalnâk lei ding ah chun hawng ka kaltir rawh. Mizpah ah Gedaliah sinah chun ka va kal le, sal ah put bang tla sinah chun ka um rawh.

JEREMIA 41:14

churawhchun anna her le, an sinah an va tek.

JEREMIA 41:3

Ismael nih Gedaliah sinah Israel tla Mizpah ah um mi zawzawng leh Babulon kawrsen chunah an hawng mi tla chu a thah hep na.

NUMBER 13:29

Amalek mi tla chu simlei kâng ram ah an um le; Hit mi tla, Jebus mi tla leh Amor mi tla chu tlâng ram ah an um; Kanaan mi tla chu Mediteranian tipi kapah leh Jordan Tiva dung ah an um,” an ti.

DEUTERONOMY 4:48

Hi ram hi Aroer khuapi thawk hen Arnon Tiva rîl hen; marlei kângah Sirion Tlâng tiang asi, chu chu Hermon Tlâng asi.

DEUTERONOMY 7:1

“LALPA nan Pathian nih nan va luah ding mi ram ah an kalpi na lai le, a sungah mi phun tam tak tla chu a nar hep na lai. Nan kalnâk kip ah nanmah ngâk hen tam dauh mi leh thiltikho dauh mi phun sarih: Hit mi, Girgasit mi, Amor mi, Kanaan mi, Periz mi, Hiv mi leh Jebus mi tla a nar phin na lai.

JOSUA 11:17

Simlei kâng Edom kiangah mi Halak Tlâng thawk hen marlei kângah Baalgad tiang asi, chu chu Hermon Tlâng simlei Lebanon kuam asi. Josua chu hi tlâng ram lalchem tla hen hun sâwt tak anna do, sikhawmsele a thah hep na le, a lâk hep na.

JOSUA 11:8

LALPA nih Israel tla chu anmah a nehtir na le, Israel tla nih an do na le, marlei kângah Misrephot Maim leh Sidon tiang hen an ṭhâwl na, saklei kângah Mizpah kuam tiang an ṭhâwl na. An do vima na le, pakhattê khawm relh lo hen an thah hep na.

JOSUA 13:11

Gilead ram fawnh sih hen, Gesur leh Maakah, Hermon Tlâng zawzawng leh Basan ram tla, Salekah tiang hen.

JOSUA 13:5

Gebal ram, saklei kângah Lebanon zawzawng Baalgad thawk hen, chu chu Hermon Tlâng asi, Hamat Liamnâk tiang hen.

JOSUA 15:38

Dilean, Mizpah, Joktheel,

JOSUA 15:63

Sikhawmsele Juda nih Jebus mi Jerusalem ah an um mi tla chu an nar kho lo, Juda mi tla hen munkhat hen an um ko.

JOSUA 18:26

Mizpah, Kephirah, Mozah,

JOSUA 3:10

Nan kalnâk zawng ah Kanaan mi tla, Hit mi tla, Hiv mi tla, Periz mi tla, Girgasit mi tla, Amor leh Jebus mi tla Kanaan ram ah mi a nar na lai.

LÂIRÊL 20:1

Israel mi zawzawng tla chu marlei mi Dan thawk hen simlei mi Bersheba tiang, saklei kângah Gilead ram thawk hen khawm chu kawhnâk chu an sâng. LALPA mâika ah Mizpah ah thurual hen anna pûm.

LÂIRÊL 21:5

“Israel mi tla lakah Mizpah ah LALPA mâika ah pûm ding hen kal lo mi murui an um ma?” an ti. (Mizpah ah kal mi zawng chu thah ding asi ti thutiamnâk bir tak an nei.)

LÂIRÊL 21:8

Chu Israel phun lakah chun Mizpah ah kal lo mi an um mawh ti anna deih le, Gibeah ram ah Jabes ah um mi tla chu pakhat khawm anna tel lo ti an theih;

LÂIRÊL 3:3

Chubang ram lakah um mi tla chu Philistia khuapi panga, Kanaan mi zawzawng, Sidon mi tla leh Hiv mi tla Lebanon tlângah um mi Baal Hermon tlâng thawk hen Hamath liamnâk tiang hen um mi tla zawzawng an si.

LÂIRÊL 3:5

Churawhchun, Israel mi tla chu Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla sinah chun an um bâk rawh.

1 SAMUEL 10:17

Samuel nih mi zapi tla chu Mizpah ah Pathian sawnh ding hen a pumh na le, an sinah,