JOSUA 11:20 - Bawm Common Language Bible Version

²⁰ LALPA nih Israel tla do ding hen a duhtir na le, khuaruat lo thlo hen mawhnâk ruangah thah hep an si khonâk ding hen. Chu tak chu LALPA nih Mosi sinah thu a pêk mi chu asi.

JOSUA 11:20 ပူးပေါင်းရင်းမြစ်များ

2 SAMUEL 17:14

Absalom leh Israel mi zawzawng nih, “Husai krai chu Ahithophel krai ngâk hen a ṭha dauh,” an ti. Ahithophel krai ṭha zûl lo ding leh Absalom râwknâk ding hen LALPA nih a ruatkanh rawh asi.

1 Lal 12:15

Chu hâwi thil a hawng um mi chu Siloh khua mi khuavâng Ahijah mang hen LALPA nih Nebat fapa Jeroboam sinah thu a sim mi a hawng tlung mi asi. Churuangah asi, lalchem nih zapi thu tla a ngâi piak duh na lo mi chu.

2 CHRONICLES 22:7

Ahaziah nih Joram a va veh mi chu, amah siat leh râwknâk Pathian nih a tlungtir. Chunah Ahaziah a um liau chun Nimsi fapa Jehu, LALPA nih Ahab lal chi veihtu ding hen a ruat mi chu Joram hen anna tawng.

2 CHRONICLES 25:16

Chu hâwi hen Amaziah rangah a va ti rawh chun, Amaziah nih, “Lal krai pêktu ah ka nan siam mazei? Hawlh lah, dâisip, kan thah salam lai!” a ti. Sikhawmsele khuavâng nih, “Hi bang hâwi thil na ti ruangah leh ka thusim na ngâilo ruangah tuah Pathian nih nangmah veih a tum ti ka theih,” a ti le, a bâng rawh.

EXODUS 10:1

Chun, LALPA nih Mosi sinah, “Kal le, lalchem chu va zauhnik, an lakah thilchê ka ti khonâk ding leh

EXODUS 11:10

Mosi leh Aron nih hi bang thilchê zawzawng hi lalchem mâika ah an ti. Sikhawmsele, lalchem thinlung chu a khungtir ruangah Israel tla chu a ram ah mi a suaktir na lo.

EXODUS 14:17

Aigupta mi tla chu an lung ka khungtir na lai le, ka ṭhâwl tir vima na lai, lalchem leh a kawrsen tla, a kari leh a khalhtu tla ka nehnâk chu keimah thangṭhatnâk ding asi.

EXODUS 14:4

a thinlung ka khungtir lai le, an ṭhâwl na lai, lalchem leh a kawrsen tla neh hen an um mi chu kei rangah chawnglawmhnâk asi lai, chu tikah Aigupta mi tla nih Kei LALPA kasi ti an theih lai,” a ti. Israel tla nih a sim mi hâwi hen an ti rawh.

EXODUS 14:8

LALPA nih lalchem thinlung chu a khungtir le, Israel tla nehtu kan si anna ti bâk mi chu a ṭhâwl na.

EXODUS 4:21

LALPA nih Mosi sinah thu a sim fâwn le, “Tuah Aigupta ram leiah na kîr awt rawh le, lalchem mâika ah thilchê ti ding kan pêk mi kha theihkumza rawh. Sikhawmsele, lalchem chu a lung ka khungtir lai le, mi tla chu a suaktir siang na lai lo.

EXODUS 9:12

Sikhawmsele, LALPA nih lalchem chu a thinlung a khungtir le, LALPA nih a sim hâwi hen khan Mosi leh Aron thu chu ngaih-lo-lêm a thlâk.

EXODUS 9:16

Ka thiltikho zia ka nan muhtir khonâk ding leh laikulh pumpi ah ka min a thangnâk ding hen na nungnâk lam chu ka zuah lai.

ISAI 14:24

LALPA Zeizawng tikho nih, “Ka thiltum chu a hawng tlung lai. Ti ding ka tum mi chu ti asi lai.

ISAI 34:2

LALPA chu phun zawzawng leh an kawrsen zawzawng lakah a thin a run. Siat leh râwk ding hen a mawhtir na.

ROM 9:18

Pathian nih a duh mi zawng a zângfah tâwn le, a duh mi zawng a lungkhungtir tâwn asi.

DEUTERONOMY 2:30

“Sikhawmsele, Sihon lalchem nih chun a ram kan pal ding mi chu a siang lo. LALPA nan Pathian nih a lung a khungtir le, a hel, amah chu kan neh hen kan luah mi ram hi kan lâk khonâk ding hen.

DEUTERONOMY 7:16

LALPA nan Pathian nih nan thiltikhonâk lakah a siah mi zawzawng tla chu veih dep na ule, khuaruatnâk an tlûnah nei lah u. An pathian tla chu sawnh lah u, thihnâk ding mi asi awt ruangah.

LÂIRÊL 14:4

A nu leh a pa nih hi hi ti ding hen Samson chu LALPA nih a ruat mi asi ti an theih loh. LALPA nih Philistia do ding hen tik dêngkhâwng a hâwl mi asi. Chu liau chun Philistia tla nih Israel tlûnah lâi an rêl.

1 SAMUEL 2:25

Mi nih midang lakah thilsual a ti chun Pathian nih a hum kho, sikhawmsele LALPA lakah thilsual titu chu âunih a hum kho lai!” a ti. Sikhawmsele, an pa thu chu an ngâi duh lo le, churuangah LALPA nih anmah chu thah a tum na rawh.