JOSUA 11:16 - Bawm Common Language Bible Version

¹⁶ Josua nih ram zawzawng tlâng tlûnlei mi leh tlâng tanglei mi, marlei leh simlei mi, Gosen ram zawzawng leh simlei mi ramkaro, Jordan Vakuam tla khawm a lâk hep.

JOSUA 11:16 ပူးပေါင်းရင်းမြစ်များ

SAM 105:44

Midang tla ram chu a pêk le, an phâisen tla chu a lâktir na.

SAM 78:55

A mi le tla mang hen ram luahtu tla chu a nar le; Israel phun tla a ṭhenh na, an in tla chu a mi le tla a pêk na.

EZEKIEL 17:23

a ṭeng tla a ṭhang lai le, a chî tla a suah lai le, sidar thing lian tak a hawng si lai. Va chikip chunah chun an um lai le, a dâidul ah riaknâk an tawng lai.

EZEKIEL 36:8

Sikhawmsele, Israel tlâng sâng tla tlûnah thing tla chu a nah a chawrh lai le, ka mi Israel rangah rah an suah lai. Tam sâwtlo hen in leiah nan hawng tlung lai rawh.

DEUTERONOMY 1:7

Nan riakmun tla siat ule, a ṭhial u. Amor umnâk tlâng ram ah chun kal ule, a kiangkam ah mi ram tla zawzawngah khawm, Jordan Vakuam lei tla, tlâng ram lei leh phâi lei tla, simlei tla, Mediteranian leiah. Kanaan ram leiah kal ule, Lebanon Tlâng lanh lei ram Eufretis Tiva tiang hen.

JOSUA 10:40

Josua nih ram pumpi a neh rawh. Tlâng ram ah lalchem tla zawzawng a neh na le, saklei ram ah mi tla leh thlanglei kâng tlâng bul ah mi tla, marlei kâng ramkaro mun ah mi khawm. Pakhat khawm a zuah na lo, an ektê hen a thah hep na. Chu chu Israel LALPA Pathian thupêk asi.

JOSUA 10:41

Josua nih a lâk mi vial, simlei kângah Kades Barnea thawk hen Gaza ramri kiang leh Gosen ram zawzawng, marlei kâng Gibeon tiang hen asi.

JOSUA 11:15

LALPA nih a to-aw Mosi sinah thu a pêk le, Mosi nih Josua rangah a pêk bâk. Josua nih chu thu a zûl. Mosi rangah thu a pêk mi zawng chu a ti ver.

JOSUA 11:2

marlei kângah tlâng ram ah mi lalchem tla, Galili Rilî simlei kângah Jordan Vakuam mi tla, tlâng bul ah um mi tla, ramri leikângah Dor kiangah um mi sinah thu a thanh na rawh.

JOSUA 11:21

Hi liauah hin Josua nih milian chi Anakim an ti mi tlâng ram ah Hebron, Debir, Anab ah um mi tla leh Juda tlâng ram ah um mi leh Israel ram ah um mi zawzawng tla a veih dep na. Josua nih an khuapi leh anmah a veih dep na.

JOSUA 12:8

Chu ram chu tlâng ram telhsih hen thlanglei kâng tlâng bul ah mi, Jordan Vakuam leh a tlâng bul ah mi, saklei kâng tlâng leh simlei ramkaro tla an si. Hi ram ah hin Hit mi, Amor mi, Kanaan mi, Periz mi, Hiv mi leh Jebus mi tla an um.

JOSUA 9:1

Israel tla nih nehnâk anna ting mi chu Jordan thlanglei mi lalchem zawzawng tlângah mi, Mediteranian Tipi phâi ah mi zawzawng, Lebanon tlâng marlei tiang hen an theih ver. Hi bang Lalchem tla hi Hit mi lalchem tla, Amor mi lalchem tla, Kanaan mi lalchem tla, Periz mi lalchem tla, Hiv mi lalchem tla leh Jebus mi lalchem tla an si.