JOSUA 11:15 - Bawm Common Language Bible Version

¹⁵ LALPA nih a to-aw Mosi sinah thu a pêk le, Mosi nih Josua rangah a pêk bâk. Josua nih chu thu a zûl. Mosi rangah thu a pêk mi zawng chu a ti ver.

JOSUA 11:15 ပူးပေါင်းရင်းမြစ်များ

2 CHRONICLES 30:12

Pathian khawm nih Juda mi leh zapi tla a tlâi ding hen an tum mi thil lakah chun lal leh a rianṭuantu tla thupêk zûl ding hen rian a ṭuan.

NUMBER 33:50

Jeriko thawk hen Jordan Va kanh hen Moab phâi ah Israel tla rangah

NUMBER 33:52

ram sungah minung um mi tla zawzawng chu nan nar phin ding asi. An sawnh mi milem lung leh thîr hen an siam mi tla leh an sawnhnâk mun tla râwk dep u.

MATHAI 23:23

“Nannih Dân sîntirtu leh Farisai perpê tla, nan tlûn a pit! Pudina tla, mohuri tla, zira tla chu parâ lû ah pakhat nan pêk tâwn le, Dân thu pawiherh dauh-- repnâk, khuaruatnâk leh zumhkâinâk tla chu nan dâithlanh tâwn. Chubang tla chu asi nan ti ding mi chu, a dang tla chu tlawlh lêm lo hen.

LUK 11:42

“Nannih Farisai tla, nan tlûn a pit! Pudina, chawngrei leh, thlâi kip tla parâ lû ah pakhat nan pêk tâwn le, repnâk leh Pathian dâwtnâk chu nan thlahthlamh tâwn. Chubang tla chu asi nan ti ding mi chu, a dang tla chu tlawlh lêmlo hen.

THILTI 20:20

Kha hâwi hen khan a ṭhatvaknâk thu nan sinah zeikhawm sim ka sûm lo le, mi zatlâng lakah leh in kip ah ka nan sîntir na tâwn kha.

THILTI 20:27

Pathian ruat zawzawng a ektê hen nan sinah simh kâ sûm lo kha.

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 31:3

LALPA nan Pathian amah ngelchel chu nan mâilei ah a kal lai le, chunah phun a um mi tla chu an veih piak na lai, an ram nan luah khonâk ding hen; LALPA nih a sim rawh hâwi hen Josua chu an rui natu asi lai.

DEUTERONOMY 31:5

LALPA nih anmah nehtu ah an siam na lai le, ka nan simh na ziatê hen nan ti na lai.

DEUTERONOMY 31:7

Churawhchun, Mosi nih Josua chu a kawh le, Israel mi zawzawng mâika ah a sinah thu a simh, “Zumh thlir le, tum thlir; nang hi an thlâktu tla sinah LALPA nih a tiamh mi ram va luah ding hen hi minung tla rangah ruitu ding mi chu na si.

DEUTERONOMY 4:2

Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.

DEUTERONOMY 4:5

“LALPA ka Pathian nih dân zûl ding hawng ka simh mi zawng chu kan sîntir na rawh. Nan va rûn hen nan va luah ding mi ram ah chun nan zûl kumza ding asi.

DEUTERONOMY 7:2

LALPA, nan Pathian nih hi bang minung tla hi nan thiltikhonâk ah a siah na hen nan neh na tikah chun nan thah hep na ding asi. Anmah hen a tlainâk mawh, an lakah khuaruatnâk rêng nei lah u.

JOSUA 1:7

Rep tak leh tumnâk nei thlir leh zumh thlir hen um; Mosi ka to-aw nih a nan pêk mi dân zawzawng zûl ding hen theih set, a zeitê khawm thlawrhthâu lah le, na kalnâk zawzawngah na dingchang lai.

JOSUA 11:12

Josua nih hi khuapi tla zawzawng a lâk le, an lalchem tla khawm, minung zawzawng khawm LALPA to-aw Mosi nih thu a pêk hâwi hen a thah hep na.

JOSUA 11:14

Israel mi tla nih thil sung tla, ranrual tla, chubang khuapi thawk hen an lâk mi chu mah rangah anna ting. Minung lam chu an thah hep na le, pakhat khawm an zuah na lo.

JOSUA 11:16

Josua nih ram zawzawng tlâng tlûnlei mi leh tlâng tanglei mi, marlei leh simlei mi, Gosen ram zawzawng leh simlei mi ramkaro, Jordan Vakuam tla khawm a lâk hep.

1 SAMUEL 15:11

“Saul lalchem ah ka siam mi chu thungâi ka sîr, kâng dang leiah âwn hen ka thupêk a ngâilo,” a ti. Samuel chu a thinthawk le, zân khuadei hen LALPA sinah a ngiar.