JOSUA 11:12 - Bawm Common Language Bible Version

¹² Josua nih hi khuapi tla zawzawng a lâk le, an lalchem tla khawm, minung zawzawng khawm LALPA to-aw Mosi nih thu a pêk hâwi hen a thah hep na.

JOSUA 11:12 ပူးပေါင်းရင်းမြစ်များ

DEUTERONOMY 7:2

LALPA, nan Pathian nih hi bang minung tla hi nan thiltikhonâk ah a siah na hen nan neh na tikah chun nan thah hep na ding asi. Anmah hen a tlainâk mawh, an lakah khuaruatnâk rêng nei lah u.

DEUTERONOMY 9:3

Sikhawmsele, nanmah ngelchel nih LALPA nan Pathian chu nan mâilei ah meihumpi hâwi hen a kal mi nan muh lai. Nan kalnâk zawng nan neh vima lai le, nan nar phin na lai, thu a tiamh hâwi hen tuko ah nan neh dep lai.

JOSUA 10:20

Josua leh Israel mi tla nih an thah na, sikhawmsele a zeimaw mi chu khuapi sungah himnâk an hâwl le, thah an si lo.

JOSUA 10:28

Chu ni ah chun Josua nih Makedah leh a lalchem chu a neh na le, khua mi tla zawzawng chu a thah na le, pakhat khawm nung hen a zuah na lo. Jeriko khua lalchem tlûnah a ti ziatê hen Makedah lalchem tlûnah khawm a ti rawh.

JOSUA 10:30

LALPA nih Israel tla chu khuapi leh an lalchem tlûnah nehnâk a pêk na. Pakhattê khawm zuah lo hen an thah hep na. Jeriko khua lalchem tlûnah an ti ziatê hen chu lalchem tlûnah khawm an ti.

JOSUA 10:32

LALPA nih Israel tla chu an do mi a ni nihnâk ah nehnâk a pêk na. Libnah ah an ti mi hâwitê hen pakhat khawm an zuah na lo, khuapi sungah minung tla chu an thah hep na.

JOSUA 10:35

Chu ni ah chun an lâk le, Lakis ah an ti mi hâwi hen an thah hep na.

JOSUA 10:37

an lâk na. Lalchem leh khuapi sungah mi zawzawng an thah na le, a kiangkam khua mi tla khawm. Josua nih Eklon ah a ti mi hâwi hen khuapi chu a râwk dep, pakhat khawm nung hen a zuah na lo.

JOSUA 11:13

Sikhawmsele, Hazor khua Josua nih a duah mi cho lo chu Israel tla nih zei khua khawm an tlângah khuapi tla pakhat khawm an duah lo.

JOSUA 11:15

LALPA nih a to-aw Mosi sinah thu a pêk le, Mosi nih Josua rangah a pêk bâk. Josua nih chu thu a zûl. Mosi rangah thu a pêk mi zawng chu a ti ver.

JOSUA 13:6

Hi hi Sidon ram zawzawng, Lebanon tlâng leh Misrephoth Maim karah mi tlâng ram ah um mi tla an si. Hi bang minung tla zawzawng hi Israel kalnâk kip mi chu ka nar phin na lai. Ram chu Israel tla sinah ti ding hen thu ka pêk hâwi hen Israel tla lakah na ṭhenh zâr na ding asi.

JOSUA 21:44

Ram chu thlangam tak hen LALPA nih a pêk na le, an pu tla sinah a tiamh na rawh hâwi hen. Anmah dotu an mêlma zawzawng lakah pakhat khawm anmah do khotu an um lo, LALPA nih Israel tla chu an mêlma zawzawng lakah nehtu ah a siam na rawh ruangah.

JOSUA 8:31

A siam mi chu LALPA to-aw Mosi dân Israel fa tla sinah a pêk mi hâwi hen, chu sîntirnâk Mosi dân lakah chun, “Mâichâm rang ding lung tla chu thîr riamnâm hen khuai lo mi lung mang ding asi,” a ti. Chu tlûnah chun duahphung bâwlnâk leh kawmhnâk thil ap LALPA sinah an ap.

JOSUA 8:8

Khuapi nan lâk rawh chun, LALPA thupêk hâwi hen, duah hep u. Chu chu nan rangah thupêk chu asi,” a ti.

JOSUA 9:24

Annih nih an sâng le, “Kan ti ko lai ma chu Pu, LALPA nan Pathian nih a to-aw Mosi sinah ram pumpi pêk hen an kalnâk kip ah minung tla chu ram ah um mi chu thah ding asi ti hen thu a pêk mi chu a dik asi ti kan theih ruangah asi. Kan ṭih na ruangah kan ti mi asi, thi ding kan ṭih ruangah.