JOSUA 10:8 - Bawm Common Language Bible Version

⁸ LALPA nih Josua sinah, “Annih tla chu ṭih lah na. Nehtu sinâk ka nan pêk ving rawh. Nangmah do hen âukhawm an dîr kho lai lo,” a ti.

JOSUA 10:8 ပူးပေါင်းရင်းမြစ်များ

1 Lal 20:13

Chu karah chun khuavâng pakhat lalchem Ahab sinah a kal le, a sinah, “Kawrsen rokual tak chu ṭih lah na le, tusûn ni ah nehtu sinâk ka nan pêk awt, churawhchun kei hi LALPA kasi ti na hawng ka theih lai. LALPA nih a ti,” ti hen a simh.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

DEUTERONOMY 3:2

Sikhawmsele LALPA nih ka sinah, Anih chu ṭih rîlmâl lah, a ram leh a minung zawzawng chu nangmah ka nan pêk awt. Hesbon lâirêltu Amor lalchem Sihon lakah na ti hâwi hen a lakah ti rawh,’ a ka ti.

DEUTERONOMY 7:24

An lalchem tla chu nanmah neh ding hen a siam na lai. Nan thah na lai le, theih an si lai lo rawh. Âukhawm nih a nan kham kho na lai lo; mikip nan veih phin na lai.

JOSUA 10:25

Josua nih hotu tla sinah, “ṭih lah ule, dâwk lah u. Tumnâk nei thlir hen zumh thlir ule, nan mêlma zawzawng lakah LALPA nih hi hâwi hen a ti na awt ruangah,” a ti.

JOSUA 10:9

Khua dei ver Josua leh a kawrsen tla chu Gilgal thawk hen Gibeon leiah an kal rawh. Amor tla chu chê ti rê hen an do na.

JOSUA 11:6

LALPA nih Josua sinah, “Annih tla chu ṭih lah na. Thâituan tu tik ding ah hin Israel tla ruangrûl ah Keimah nih ka thah na hep awt. An rang tla nan khêngtir na lai le, an kari tla nan duah ver lai,” a ti.

JOSUA 8:1

LALPA nih Josua sinah, “Kawrsen zawzawng put na le, Ai khua leiah va kâi rawh; ṭih lah le, dâwk lah. Ai khua lalchem nehtu ah ka nan siam awt; a mi tla, khuapi leh ram chu nangmah tâ asi lai rawh.

LÂIRÊL 6:16

LALPA nih a sâng le, “Ka nan ṭangpi awt ruangah na ti kho lai. Minung pakhattek, awldek na ti mi hâwi hen Midian tla chu na neh na lai,” a ti.

LÂIRÊL 7:9

Chu zân ah chun LALPA nih Gideon chu thu a pêk le, “Thawk le, va do rawh; nehtu sinâk ka nan pêk rawh asi.

1 SAMUEL 17:47

hinah mi mikip nih a mi Israel tla hum ding hen LALPA nih nâmsâu leh fei mang ding a herh lo ti an theih lai. Amah chu râltuknâk ah nehtu asi, kanmah neh ding hen an siam hep na lai,” a ti.