JOSUA 10:41 - Bawm Common Language Bible Version

⁴¹ Josua nih a lâk mi vial, simlei kângah Kades Barnea thawk hen Gaza ramri kiang leh Gosen ram zawzawng, marlei kâng Gibeon tiang hen asi.

JOSUA 10:41 ပူးပေါင်းရင်းမြစ်များ

GENESIS 10:19

Sidon thawk hen Kanaan mi ramri tiang hen, simlei Gaza kiangah mi Gerar tiang hen, saklei kangah Sodom, Gomorah, Admah leh Lasa kiang mi Zeboim tiang asi.

1 Lal 3:5

Chu zân ah chun a mang ah LALPA â langh le, a sinah, “Zei me a nan pêk sele na duh?” a ti.

ZEKARIA 9:5

Askelon khuapi nih chu chu a muh lai le, a lâu lai. Gaza khuapi khawm nih a muh lai le, fâk tak hen a tuar lai. Churuangah Ekron leh a lungumnâk tla zawzawng chu a râwk ver lai. Gaza nih a lal a thlâu ving lai le, Eskelon chu a karo hen siah asi lai.

NUMBER 13:26

Mosi, Aron leh Israel mi zapi tla umnâk Paran ramkaro ah mi Kades ah an kîr rawh. An muh mi tla chu an phuang le, an theirah phurh chu an zauhtir na.

NUMBER 32:8

Chu ram chu nan pa le tla rangah Kades Barnea thawk hen va zauhfiang ding hen ka fial na mi asi.

NUMBER 34:4

Simlei kâng vima kal hen Akrabim Liamnâk simlei ah Zin ramkaro pal hen Kades Barnea simlei tiang hen. Churawhchun, mar thlang leiah Hazar Addar leiah leh Azmon leikâng vima ah,

THILTI 8:26

Chun, Lalpa vânmifial pakhat nih Philip chu a sawnh le, “Thawk le, simlei Jerusalem thawk hen Gaza khua a tleng mi lampi ah khan kal rawh,” a ti. (Chu lampi chu ramkaro lampi asi.)

DEUTERONOMY 1:19

“LALPA kan Pathian thupêk hâwi hen Sinai Tlâng chu kan mâk le, ramkaro ṭihnungkâi kâu tak pal hen Amor umnâk tlâng ram lampi leiah kan kal. Kades Barnea ah kan tlung rawh chun,

DEUTERONOMY 2:23

Kret tikulh lei mi tla chu Mediteranian kiangkam tla ah an um. Avim tla a tîr thawk hen umtu tla chu an veih na le, an ram Gaza khuapi simlei kâng mi tiang an lâk hep.)

DEUTERONOMY 9:23

Kades Barnea thawk hen ram a nan pêk na mi va luah ding hen a nan fial na liauah a tlûnah nan hel le; amah chu nan zumh lo hen a thu khawm nan ngâilo.

JOSUA 10:12

Israel tla rangah LALPA nih Amor tla a nehtir na ni ah chun Josua nih Israel tla mâika ah LALPA chu a sawnh le, “Nî, Gibeon khua tlûnah dîr ko: Thlâ, Aijalon Kuam tlûnah a dîn rawh,” a ti.

JOSUA 10:2

Jerusalem mi tla khawm chu thu ruangah thungâi an ningṭih. Gibeon chu lalchem tla nih khua an nei mi lakah chun khua lian tak asi. Ai khua ngâk hen khawm a lian, chunah minung tla khawm râltuk thiam mi an si.

JOSUA 11:16

Josua nih ram zawzawng tlâng tlûnlei mi leh tlâng tanglei mi, marlei leh simlei mi, Gosen ram zawzawng leh simlei mi ramkaro, Jordan Vakuam tla khawm a lâk hep.

JOSUA 11:22

Anakim murui rerêng chu Israel ram ah an zuah lo, sikhawmsele Gaza, Gath leh Asdod ah tâwm an um.

JOSUA 15:51

Gosen, Holon leh Giloh: a kiangkam khua lian tla hen leikhat an tling.

LÂIRÊL 16:1

Ni khat chu Samson chu Philistia khuapi Gaza ah a va kal le, chunah chun nunau â zuar mi hen anna tawng le, a ihpi.

LÂIRÊL 16:21

Philistia tla nih an tleih le, a mit an chawih zek. Gaza ah an kalpi le, dâr chikchîn hen an khih le, rêngin ah rialnâk khâwl ah rian an ṭuantir.

1 SAMUEL 6:17

Philistia tla nih chun ngawrnâk ngûn lem panga an sual man rangah an pêk mi chu: Asdod khua rangah pakhat, Gaza khua rang pakhat, Askelon khua rangah pakhat, Gath khua rangah pakhat leh Ekron khua rangah pakhat chiau an kuat.