JOSUA 10:40 - Bawm Common Language Bible Version

⁴⁰ Josua nih ram pumpi a neh rawh. Tlâng ram ah lalchem tla zawzawng a neh na le, saklei ram ah mi tla leh thlanglei kâng tlâng bul ah mi tla, marlei kâng ramkaro mun ah mi khawm. Pakhat khawm a zuah na lo, an ektê hen a thah hep na. Chu chu Israel LALPA Pathian thupêk asi.

JOSUA 10:40 ပူးပေါင်းရင်းမြစ်များ

1 Lal 15:29

Mawhsareh hen Jeroboam dâwngsungkhur zawzawng chu a thah hep na. LALPA nih khuavâng Ahijah, Siloh khua mi mang hen, Jeroboam leh a dâwngsung chu thah an si lai le, pakhat khawm an him lai loh a ti mi hâwitê hen.

NEHEMIAH 9:24

Kanaan ram chu an neh le, chunah um mi tla chu na neh na. Kanaan ram ah lal leh mi tla chu anmah duhzia zawng tikho ding hen na mi tla chu thiltikhonâk na pêk na.

SAM 9:17

Thihnâk hi misual zawzawng leh Pathian duhlotu zawzawng dawnghnâk asi.

EXODUS 34:12

Nan kalnâk ding ram mi tla hen zeikhawm khatnâk nei lah u, nan rangah thihnâk thang asi awt ruangah.

NUMBER 13:17

Mosi nih a fial na liauah an sinah, “Hi thawk hen marlei kângah kal ule, Kanaan ram sim leikâng mi ram tla leh tlâng ram ah va kal u.

DEUTERONOMY 1:7

Nan riakmun tla siat ule, a ṭhial u. Amor umnâk tlâng ram ah chun kal ule, a kiangkam ah mi ram tla zawzawngah khawm, Jordan Vakuam lei tla, tlâng ram lei leh phâi lei tla, simlei tla, Mediteranian leiah. Kanaan ram leiah kal ule, Lebanon Tlâng lanh lei ram Eufretis Tiva tiang hen.

DEUTERONOMY 2:34

Chu liau chun kan neh na le, an khua tla kan râwk le, nunau mipa an fa tla kan thah ver na. Pakhat khawm kan zuah na lo.

DEUTERONOMY 7:24

An lalchem tla chu nanmah neh ding hen a siam na lai. Nan thah na lai le, theih an si lai lo rawh. Âukhawm nih a nan kham kho na lai lo; mikip nan veih phin na lai.

JOSUA 10:35

Chu ni ah chun an lâk le, Lakis ah an ti mi hâwi hen an thah hep na.

JOSUA 10:37

an lâk na. Lalchem leh khuapi sungah mi zawzawng an thah na le, a kiangkam khua mi tla khawm. Josua nih Eklon ah a ti mi hâwi hen khuapi chu a râwk dep, pakhat khawm nung hen a zuah na lo.

JOSUA 10:39

Lalchem leh a kiangkam ah mi zawzawng a lâk hep, chunah mi chu a thah hep na. Josua nih Hebron leh Libnah leh a lalchem tlûnah a ti mi hâwitê hen Debir khua leh a lalchem tlûnah a ti.

JOSUA 11:16

Josua nih ram zawzawng tlâng tlûnlei mi leh tlâng tanglei mi, marlei leh simlei mi, Gosen ram zawzawng leh simlei mi ramkaro, Jordan Vakuam tla khawm a lâk hep.

JOSUA 12:8

Chu ram chu tlâng ram telhsih hen thlanglei kâng tlâng bul ah mi, Jordan Vakuam leh a tlâng bul ah mi, saklei kâng tlâng leh simlei ramkaro tla an si. Hi ram ah hin Hit mi, Amor mi, Kanaan mi, Periz mi, Hiv mi leh Jebus mi tla an um.

JOSUA 18:21

Hi bang tla hi Benjamin phun dâwngsungkhur nih anna ting mi ram sungah khuapi tla chu an si: Jeriko, Beth Hoglah, Emek Keziz,

JOSUA 6:17

Khuapi leh a sungah mi thil zeizawng LALPA rangah bâwlnâk ding hen veih hep ding asi. Rahab â zuar mi nunau leh a dâwngsungkhur tla cho zuah ding asi, anih nih kan lakah thlingthlâktu tla a thuh na ruangah.

JOSUA 8:2

Jeriko khua leh a lalchem tlûnah na ti mi hâwitê hen Ai khua leh a lalchem tlûnah na ti ber lai. Sikhawmsele, tutan mi lam chu thil-le-rî leh a ranrual tla nangmah tâ asi lai. Khuapi do ding hen a tîm le, râl vêngtu tla siam na,” a ti.

JOSUA 8:27

LALPA nih a simh hâwi hen Israel tla nih chun khuapi mi thil-le-rî tla leh ranrual tla chu anmah rang ding ah anna lâk rawh.

JOSUA 9:24

Annih nih an sâng le, “Kan ti ko lai ma chu Pu, LALPA nan Pathian nih a to-aw Mosi sinah ram pumpi pêk hen an kalnâk kip ah minung tla chu ram ah um mi chu thah ding asi ti hen thu a pêk mi chu a dik asi ti kan theih ruangah asi. Kan ṭih na ruangah kan ti mi asi, thi ding kan ṭih ruangah.