JOSUA 10:24 - Bawm Common Language Bible Version

²⁴ Josua sinah an kalpi na. Josua nih Israel mi tla zawzawng chu a sinah a kawh ver na le, a sinah kal mi hotu tla khawm a kawh na le, an keza chu lalchem tla ngâwng tlûnah thâng ding hen thu a pêk na le, chu hâwi hen an ti.

JOSUA 10:24 ပူးပေါင်းရင်းမြစ်များ

2 SAMUEL 22:39

Ka vuak na le, an thawk kho lo rawh. An tlû le, ka mâika ah neh hen an um.

2 SAMUEL 22:41

Ka mêlma chu ka sinah thawk hen na tek tir. An hawng ka huatu chu ka râwk na.

SAM 107:40

Anmah nehsawhtu nih an zauhnawmh na mi a muhtir na le, lam umlo mi ramkaro ah a vâitir na.

SAM 110:1

LALPA nih chun lalchem ka lal sinah, “Na mêlma na kezahphah tangah ka siah lânlo chu ka vawrhlei ah hin to rawh.

SAM 110:5

LALPA chu na kiangah a um lai le; a thinrun tikah lal tla chu a neh na lai.

SAM 18:40

Ka sinah mi mêlma tla chu na zâmtir le; hawng ka huatu tla chu ka veih na.

SAM 91:13

Chakeibaknei tla leh rûl tla chu na chîl lai le, chakeibaknei râng leh rûl tûrnei tla chu.

ISAI 51:23

Nannih a nan nehsawh natu, khuadung ah a nan rilh phut na le nâwm hâwi hen nan tlûnah an lamh natu sinah ka pêk na awt rawh,” a ti.

MALAKI 4:3

Thil ka ti ni ah chun, misual tla chu nan neh na lai le, nan kezaphah tangah valeidip hâwi hen lamhbêk mi hâwi an si lai.

ROM 16:20

Chun, remnâk Pathian nih chun nan kêzaphah tangah Setan chu a nan lamhbêktir sawm na lai. Kan Lalpa Jisu Krist zângfahnâk chu nan sinah um seh.

DEUTERONOMY 33:29

Israel, na lâwptlo chiam e! Nangmah hâwi hen LALPA nih ruang a suah mi phun âukhawm an um lo. LALPA amah tak chu a nan vêng ding leh nehnâk a nan pêk ding hen na phâw leh na nâmsâu chu asi. Na mêlma tla chu khuaruatnâk deih hen an hawng lai le, nangnih na lamhbêk na lai.

HEBRAI 1:13

Sikhawmsele, vânmifial tla lakah âu leikâng thu me hi hi a sim dah tâwn: “Na mêlma tla na kezaphah tangah ka siah lânlo chu ka vawrhlei ah to rawh,” ti hen.

LÂIRÊL 8:20

Churawhchun, a fapa upachem mi Jether sinah, “Mâilei ah va kal le, va thah na,” a ti. Sikhawmsele, chu mipa ngâksia nih chun a nâmsâu a phâwi duh lo. Ngâksia asi rih ruangah a zenh.