JOSUA 10:11 - Bawm Common Language Bible Version

¹¹ Amor tla Israel kawrsen lakah thawk hen an tek hen tlâng an liam liauah chun LALPA nih rial lian tak lampi tluan hen Azekah tiang hen a tlâktir. Israel tla nih an thah na mi ngâk hen rial nih a thah na mi an tam dauh.

JOSUA 10:11 ပူးပေါင်းရင်းမြစ်များ

GENESIS 19:24

Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla,

2 SAMUEL 18:8

Tuknâk chu ram pumpi ah a khat dil le, tuknâk ah thah mi ngâk hen tumun ah mi an thi tam dauh.

JOB LASUIBU 38:22

Rial leh vûr ka siahnâk mun ah na kal tâwn ma?

JOB LASUIBU 38:23

Râltuk leh donâk nawknâk tik rangah timhtuah chia hen ka siah.

SAM 11:6

Misual tlûnah mei leh kâtalh a hawng thlâk le, thli rumro hen a rêp na.

SAM 147:17

Rial chu lungteret hâwi hen a tlâ tir le, Daih a hawng tlungtir mi chu âukhawm nih an tuar kho lo.

ISAI 28:2

LALPA nih âumawh mi chak leh thiltikho tla anmah do ding hen tîm chia zet a nei le, zeimaw mi chu thli leh ruahpi lakah rial hâwi, a zeimaw mi chu ruah tukpi hâwi, a zeimaw mi chu tîlian fek tak hâwi hen an hawng kal lai le, chu tla chu ram an khat zat lai.

ISAI 28:21

LALPA nih Perazim Tlângah leh Gibeon vakuam ah ti mi hâwi hen a do na lai le, a thilti lakah a chê zia langhtir a tum mi hâwi hen khan. A thil thup rianṭuan tla a lîm lai rawh.

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

EZEKIEL 13:11

Khuavâng tla chu an kulh a tlû ding mi simh na. Tî a tlê mi hâwi hen ruah ka sûrtir awt. Rial tla a tlûnah a tlâ lai le, thli chawp tak a lakah a râng lai.

DEUTERONOMY 20:4

LALPA nan Pathian chu nan sinah a hawng a tel lai le, nehtu ah a nan siam na lai, a ti ding asi.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.

THUPHUANG 16:21

Chun, rialpi lian tak, khîng sâwmnga rit chiau vân thawk hen minung tla tlûnah a tlâ, chun, chu hâwi rêpnâk ruangah minung tla nih chun Pathian hawlhsiat an barh rawh.

LÂIRÊL 5:20

Vân thawk hen ârfi tla nih an do le; chung vân ah kal hen Sisera chu an do.