JOSUA 10:10 - Bawm Common Language Bible Version

¹⁰ Israel tla mitmuh ah Amor tla chu neh hen a tektir na. Israel tla nih Gibeon ah thungâi an thah na le, tlâng liamnâk Beth Horon tiang an ṭhâwl na, an do vima na le, Azekah leh Makedah simlei lât tak tiang an ṭhâwl na.

JOSUA 10:10 ပူးပေါင်းရင်းမြစ်များ

2 SAMUEL 22:15

A lîthal a kah le, a mêlma tla a ṭhêk hep. Mîmthlalek chêu hen a ṭhêktir hep na.

1 Lal 9:17

chu chu Solomon nih a sak thar nawlh mi asi.) Solomon nih rianṭuantu ah a mang na mi tla rangah Beth Horon Tanglei,

2 CHRONICLES 14:12

Juda kawrsen tla nih an do na le, Sudan kawrsen tla chu LALPA nih a neh na rawh.

2 CHRONICLES 25:13

Chu liau chir chun Israel kawrsen Amaziah nih a sinah a put na ding hen a duh na lo mi tla nih Juda ram khuapi Samaria leh Beth Horon karah mi an do na le, minung sâng thum an thah le, râl lâk sum leh thil-le-rî tam tak an lâk.

SAM 18:14

A thal zum tla chu a hawng kah le, a mêlma tla chu anna rek phin; mîmthlalek hen a tektir phin na.

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

SAM 68:14

Pathian zeizawng tikho nih Zalmon Tlâng tlûnah lal tla a rektir na liauah chunah chun vûr a tlâ tir.

SAM 78:55

A mi le tla mang hen ram luahtu tla chu a nar le; Israel phun tla a ṭhenh na, an in tla chu a mi le tla a pêk na.

ISAI 28:21

LALPA nih Perazim Tlângah leh Gibeon vakuam ah ti mi hâwi hen a do na lai le, a thilti lakah a chê zia langhtir a tum mi hâwi hen khan. A thil thup rianṭuan tla a lîm lai rawh.

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

JEREMIA 34:7

Kawrsen tla nih Lakis leh Azekah khawm an do le, Juda ram ah kulhnei khuapi tla lâwng an zuah.

ZEKARIA 14:3

A lânah a do na mi hâwi hen LALPA chu a suak lai le, phun tla a do na lai.

DEUTERONOMY 7:23

LALPA nan Pathian nih nan mêlma tla chu nanmah neh ding hen a siam na lai le, an vei hep tiang hen zerhnâk a pêk na lai.

JOSUA 10:11

Amor tla Israel kawrsen lakah thawk hen an tek hen tlâng an liam liauah chun LALPA nih rial lian tak lampi tluan hen Azekah tiang hen a tlâktir. Israel tla nih an thah na mi ngâk hen rial nih a thah na mi an tam dauh.

JOSUA 10:28

Chu ni ah chun Josua nih Makedah leh a lalchem chu a neh na le, khua mi tla zawzawng chu a thah na le, pakhat khawm nung hen a zuah na lo. Jeriko khua lalchem tlûnah a ti ziatê hen Makedah lalchem tlûnah khawm a ti rawh.

JOSUA 10:9

Khua dei ver Josua leh a kawrsen tla chu Gilgal thawk hen Gibeon leiah an kal rawh. Amor tla chu chê ti rê hen an do na.

JOSUA 11:8

LALPA nih Israel tla chu anmah a nehtir na le, Israel tla nih an do na le, marlei kângah Misrephot Maim leh Sidon tiang hen an ṭhâwl na, saklei kângah Mizpah kuam tiang an ṭhâwl na. An do vima na le, pakhattê khawm relh lo hen an thah hep na.

JOSUA 12:16

Makedah, Rethel,

JOSUA 15:35

Jarmut, Adulam, Sokoh, Azekah,

JOSUA 15:41

Gederoth, Bethdagon, Naamah leh Makedah: a kiangkam mi khuapi hen khua leiruk asi.

JOSUA 16:3

Chu thawk hen thlanglei kângah Japhlet ram leikângah a kal le, Beth Horon mun niam dauh ram tiang hen. Chu thawk hen chun Gezer leiah a kal vima le, Mediteranian Tipi ah a dawng.

JOSUA 16:5

Hi hi Efraim dâwngsung tâ ram asi. An ramri chu Atarot Adar thawk hen saklei kâng Beth Horon tlûnlei dauh ah,

JOSUA 21:22

Kibzaim, Beth Horon, a kiangkam ran tlawngnâk mun hen.

LÂIRÊL 4:15

Barak nih a kawrsen tla hen a va do le, LALPA nih Sisera chu a kari tla leh a mi tla hen a nawktir chiam na. Sisera chu kari thawk hen a ṭum le, kê hen a tek rawh.

LÂIRÊL 4:16

Barak nih kawrsen tla leh a kari tla chu Jentel khua Haroseth leiah a ṭhâwl na le, Sisera kawrsen zawzawng chu a thah hep na. Minung pakhat khawm an zuah loh.

LÂIRÊL 5:20

Vân thawk hen ârfi tla nih an do le; chung vân ah kal hen Sisera chu an do.

1 SAMUEL 13:18

a dang chu Beth Horon ah an kal, a dang tla chu Zeboim leh ramkaro kuam ramri tlûn leiah an kal.

1 SAMUEL 17:1

Philistia mi tla chu râl do ding hen Judai ram ah mi Sokoh an ti mi khua ah anna pûm; Sokoh leh Azekah karah mi Ephes Damim ah riakmun an khuar.