JOSUA 1:9 - Bawm Common Language Bible Version

⁹ Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

JOSUA 1:9 ပူးပေါင်းရင်းမြစ်များ

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 39:2

LALPA chu Josef sinah a um le, a sul-le-lam tluang tak hen a siam. A hotupa Aigupta ram mi in ah a um le,

GENESIS 39:3

Josef sinah LALPA a um hen thilti zawzawngah dingchangnâk a pêk mi a muh.

2 SAMUEL 13:28

a to-aw tla khawm a simh zet na, “Amnon rangah zû cherkhet dinh u le, thah ding hen thu kan pêk na tikah amah chu thah ko u, ṭih rîlmâl lah u, a mawh chu keimah nih ka phurh lai, zâm lo hen râlṭha tak hen um u,” a ti,

1 CHRONICLES 28:20

Lalchem David nih a fapa Solomon sinah, “Zumh thlir le, tum thlir. Rian chu a dawmh le, zeikhawm nih an tlawlhtir lah seh. LALPA Pathian a rian ka ṭuan mi chu na sinah a um lai. LALPA nih Biakin sak ding mi rian na lîm lânlo chu kaltâk lo hen an um nawh kumza lai.

2 CHRONICLES 15:7

Sikhawmsele, nannih chu chak tak hen nan um hen nan dâwk ding asi lo. Nan rianṭuan man chu nan tawng lai,” ati na.

SAM 46:7

LALPA thil zeizawng tikho chu kan sinah a um; Jakob Pathian chu kan himnâk asi.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 43:1

Israel, nan siamtu LALPA nih, “Lâu lah, ka nan hum lai. Na min hen ka nan auh, ka tâ na si.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

ISAI 8:12

“Mi zapi tla thiltum lak khawm ah va a ṭawm lah le, an ṭih mi thil khawm ṭih lah.

DANIAL 10:19

Anih nih, “Pathian nih a nan dâwt, zeikhawm nih a nan dîttir hen a nan lâutir lah seh,” a ti. Hi a sim liau chirah tâwm chak dauh hen ka theih le, kei nih, “Pu sim ding na duh mi chu hawng ka simh. Na ka ṭhattir dauh rawh,” ka ti.

HAGAI LASUIBU 2:4

Sikhawmsele tuah âukhawm lungdawng lah u, nan sinah ka um asi, rianṭuan ko u.

HAGAI LASUIBU 2:5

Aigupta ram thawk hen nan hawng suak liau khawm ah nan sinah um ding hen thu ka tiam asi. Nan sinah ka um kumza nget rih, ningṭih lah u.

THILTI 4:19

Sikhawmsele, Peter leh Johan nih an sinah, “Pathian mitmuh hen Pathian thu zûl ngâk hen nannih thu zûl a dik dauh lai menmaw, dawn set nik u.

DEUTERONOMY 20:1

“Nan mêlma do ding hen nan kal tikah kâri tla, rang tla leh kawrsen tla, nanmah lei mi ngâk hen an tam ruang ko ah ṭih lah na u. LALPA nan Pathian Aigupta ram ah mi ruang a nan suah natu chu nan sinah a um awt asi.

DEUTERONOMY 31:23

LALPA nih Josua Nun fapa chu a sawnh le, a sinah, “Zumh thlir le, tum thlir. Israel mi tla hi, ka tiamh mi ram ah na kalpi na lai le, na sinah ka um lai,” a ti.

DEUTERONOMY 31:28

Ka mâika ah hin phun lakah ruitu leh rianṭuantu tla hawng pumh ver na, chu tikah hi bang thil tla ka simh kho na lai le; an tlûnah lung silonâk thu ah theihpitu ding hen tual leh vân ka kawh lai.

JOSUA 1:10

Zapi tla sinah thusim ding hen ruitu tla chu Josua

JOSUA 1:17

Mosi thu kan ngâi mi hâwi hen nang thu khawm kan ngâi vima lai; LALPA na Pathian chu Mosi sinah a um mi hâwi hen nang sinah khawm um seh!

JOSUA 1:18

Na thu êltu leh na thupêk zûl duhlotu chu thah ding asi. Tum thlir le, zumh thlir ko!” an ti.

JOSUA 10:25

Josua nih hotu tla sinah, “ṭih lah ule, dâwk lah u. Tumnâk nei thlir hen zumh thlir ule, nan mêlma zawzawng lakah LALPA nih hi hâwi hen a ti na awt ruangah,” a ti.

JOSUA 10:8

LALPA nih Josua sinah, “Annih tla chu ṭih lah na. Nehtu sinâk ka nan pêk ving rawh. Nangmah do hen âukhawm an dîr kho lai lo,” a ti.

JOSUA 3:7

LALPA nih Josua sinah, “Tusûn ah ka thilti ding mi chu Israel mi tla nih mi rokual tak hâwi hen nangmah zah anna dawmhnâk ding asi, Mosi sinah ka um mi hâwi hen nang sin khawm ah ka um ti an theih lai rawh.

JOSUA 6:27

Churawhchun, LALPA chu Josua sinah a um le, chun ram pumpi ah a min a thang rawh.

JOSUA 8:1

LALPA nih Josua sinah, “Kawrsen zawzawng put na le, Ai khua leiah va kâi rawh; ṭih lah le, dâwk lah. Ai khua lalchem nehtu ah ka nan siam awt; a mi tla, khuapi leh ram chu nangmah tâ asi lai rawh.

LÂIRÊL 6:14

Churawhchun, LALPA nih thu a pêk le, “Na chaknâk zawzawng hen va kal le, Midian tla kut ah mi Israel tla chu ruang va suah na, keimah tak nih ka nan fial asi,” a ti.

1 SAMUEL 10:7

Chubang hâwi thil a hawng um rawh chun Pathian nih a nan ruinâk zawng ah chun ti vima ko.