JOSUA 1:7 - Bawm Common Language Bible Version

⁷ Rep tak leh tumnâk nei thlir leh zumh thlir hen um; Mosi ka to-aw nih a nan pêk mi dân zawzawng zûl ding hen theih set, a zeitê khawm thlawrhthâu lah le, na kalnâk zawzawngah na dingchang lai.

JOSUA 1:7 ပူးပေါင်းရင်းမြစ်များ

1 Lal 2:2

“Ka thihnâk ding a nâi rawh. Tumnâk leh lungumnâk,

1 Lal 2:3

LALPA na Pathian nih ti ding thu a nan pêk mi lakah bir tak hen um rawh. Mosi Dân ah rîn mi a thupêk leh a dân thu zawzawng zûl le, chu tikah na kalnâk kip ah thil zeizawng na ti mi kip chu tluang tak hen a um lai.

2 Lal 22:2

Josiah nih LALPA lawmhkâng hen thil a ti le, amah thlâktu David zia châwng hen fek tak hen Pathian dân a zûl.

1 CHRONICLES 22:13

LALPA nih Mosi sinah Israel tla rangah dân a pêk mi na zûl chun, dingchang tak hen na um lai. A tum thlir le, zumh thlir, zeikhawm nih a nan zâmtir lah seh.

2 CHRONICLES 15:7

Sikhawmsele, nannih chu chak tak hen nan um hen nan dâwk ding asi lo. Nan rianṭuan man chu nan tawng lai,” ati na.

2 CHRONICLES 26:5

Phung leikângah ruitu Zekariah a dam kar vial chu LALPA rian zumhkâi tak hen a ṭuan le, Pathian nih mal a sâwm.

JOB LASUIBU 1:8

LALPA nih Setan sinah, “Ka to-aw Job na muh ma? Hi tual tlûnah amah hâwi hen âukhawm zumhkâi an um lo. Keimah hawng ka sawnh le, thilsual ti lakah thungâi â thiamthih,” a ti.

SAM 80:19

LALPA Pathian, Zeizawng tikho, hawng kan kîrtir nawlh le, na khuaruatnâk hawng kan muhtir le, ruangsuak hen kan um lai.

THUFING LASUIBU 4:27

Sual ti lah le, na mâilei ah ding zar hen kal. Lampi dik lakah mi chu kâr khat khawm pial lah.

THUFING LASUIBU 8:20

Mirep lampi ka zawh le; diknâk lampi ka zûl.

DANIAL 10:19

Anih nih, “Pathian nih a nan dâwt, zeikhawm nih a nan dîttir hen a nan lâutir lah seh,” a ti. Hi a sim liau chirah tâwm chak dauh hen ka theih le, kei nih, “Pu sim ding na duh mi chu hawng ka simh. Na ka ṭhattir dauh rawh,” ka ti.

NUMBER 27:23

LALPA nih thu a pêk hâwi hen Josua lû tlûnah Mosi nih a kut a thâng le, amah ruangrûl ah ruat asi rawh ti a phuang rawh.

DEUTERONOMY 11:8

“Tusûn ni ah dân ka nan pêk na mi zawzawng hi zûl u. Chu tikah Jordan Va kanh hen nan lûtnâk ding mi ram chu nan luah kho lai.

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 28:14

Sikhawmsele, zei lak khawm ah ê-aw ngâilo hen nan um ding asi lo, pathian dang tla sawnh hen a rian nan ṭuan ding asi lo.

DEUTERONOMY 29:8

an ram chu kan lâk le, Reuben phun leh Gad phun leh Manaseh phun khingkhuai tla sinah kan ṭhenh zâr na.

DEUTERONOMY 29:9

Hi bang thudântuk siam mi tla hi zûl ule, nan thilti zeizawng ah nanna dingchang lai.

DEUTERONOMY 31:7

Churawhchun, Mosi nih Josua chu a kawh le, Israel mi zawzawng mâika ah a sinah thu a simh, “Zumh thlir le, tum thlir; nang hi an thlâktu tla sinah LALPA nih a tiamh mi ram va luah ding hen hi minung tla rangah ruitu ding mi chu na si.

DEUTERONOMY 4:2

Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.

DEUTERONOMY 5:32

“Israel mi tla, LALPA nan Pathian nih thu an pêk na mi thil zeizawng nan ti mi chu theih u. A dân pêk pakhat khawm zûl lo hen um lah u.

JOSUA 1:1

LALPA to-aw Mosi a thih nûnah Nun fapa Josua, Mosi ṭangpitu sinah LALPA nih thu a simh.

JOSUA 1:8

Pathian nan sawnhnâk kip ah hi dân bu hi rêl kumza ding asi ti theih set rawh. A sûn a zân hen a sîn le, a sungah rîn mi zawzawng tla hi zûl ding ti theih set rawh. Chu tikah na sul-le-lam a tluang hen na dingchang lai.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

JOSUA 11:15

LALPA nih a to-aw Mosi sinah thu a pêk le, Mosi nih Josua rangah a pêk bâk. Josua nih chu thu a zûl. Mosi rangah thu a pêk mi zawng chu a ti ver.

JOSUA 23:6

Mosi Dân bu ah rîn mi thil, zeizawng zûl ding hen a thiamthih u. A zeitê khawm thlawrhthlâu lah ule,