JOSUA 1:5 - Bawm Common Language Bible Version

⁵ Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 1:5 ပူးပေါင်းရင်းမြစ်များ

GENESIS 39:2

LALPA chu Josef sinah a um le, a sul-le-lam tluang tak hen a siam. A hotupa Aigupta ram mi in ah a um le,

1 Lal 1:37

Nang lalchem sinah LALPA a um mi hâwi hen Solomon sin khawm ah um bâk seh; nangmah liau ngâk hen amah sanah a lâirêlnâk tluang seh,” a ti.

1 Lal 11:38

Ka thu zawzawng na ngâi hen ka dân tla na zûl hen ka to-aw David hâwi hen thu ka nan pêk zia hâwi hen na um chun na sinah ka um kumza lai. Israel lakah lal ah ka nan siam lai le, David rangah ka ti mi hâwi hen na nehnûn khawm ah na thlâk tla lâirêltu ah ka siam vima lai.

1 Lal 6:13

Hi na sak mi Biakin ah hin ka mi Israel tla kan kaltâk na lai lo,” a ti.

1 Lal 8:57

Hawng kan thlâktu tla sinah a um hâwi hen LALPA kan Pathian chu kan sinah um seh; hawng kan nawng hen hawng kan kaltâk lah seh.

1 CHRONICLES 28:20

Lalchem David nih a fapa Solomon sinah, “Zumh thlir le, tum thlir. Rian chu a dawmh le, zeikhawm nih an tlawlhtir lah seh. LALPA Pathian a rian ka ṭuan mi chu na sinah a um lai. LALPA nih Biakin sak ding mi rian na lîm lânlo chu kaltâk lo hen an um nawh kumza lai.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

EXODUS 3:12

Pathian nih, “Na sinah ka um lai le, Aigupta ram ah mi ka mi tla na hawngpi na tikah chun hi tlângah hin nan ka sawnh lai. Chu chu keimah nih ka nan fial asi ti theihnâk asi lai,” ti hen a sâng.

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

JEREMIA 1:8

Annih chu ṭih na lah, a nan hum ding hen na sinah ka um awt ruangah. Kei, LALPA nih ka sim mi asi!” a ti.

DANIAL 11:16

Anmah rûntu Siria mi nih a duh duh hen a ti na lai. Ram tiam ah chun a dîr lai le, amah thiltikhonâk hen â ting hep lai.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

ROM 8:37

Ṭhen lah e, chubang zawzawng lakah chun hawng kan dâwttu ruangah rokual tak hen nehtu kan si.

DEUTERONOMY 20:1

“Nan mêlma do ding hen nan kal tikah kâri tla, rang tla leh kawrsen tla, nanmah lei mi ngâk hen an tam ruang ko ah ṭih lah na u. LALPA nan Pathian Aigupta ram ah mi ruang a nan suah natu chu nan sinah a um awt asi.

DEUTERONOMY 20:4

LALPA nan Pathian chu nan sinah a hawng a tel lai le, nehtu ah a nan siam na lai, a ti ding asi.

DEUTERONOMY 31:23

LALPA nih Josua Nun fapa chu a sawnh le, a sinah, “Zumh thlir le, tum thlir. Israel mi tla hi, ka tiamh mi ram ah na kalpi na lai le, na sinah ka um lai,” a ti.

DEUTERONOMY 4:31

Anih chu khuaruattu Pathian asi. A nan kaltâk na lai lo, veih khawm an veih dep na lai lo, a nan thlâk natu tla sinah amah ngelchel nih thudântuk a siam mi khawm a philh lai lo.

DEUTERONOMY 7:24

An lalchem tla chu nanmah neh ding hen a siam na lai. Nan thah na lai le, theih an si lai lo rawh. Âukhawm nih a nan kham kho na lai lo; mikip nan veih phin na lai.

2 TIMOTHE 4:17

Thâwngthâng Ṭha keimah ruangah simh chiau hen a um khonâk ding hen, Phundang tla zawng nih an theih khonâk ding hen, Lalpa nih chun a ka ṭanh le, a ka chaktir lehlam asi; chun chakeibaknei kâ ah mi kha suah hen ka um rawh asi.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.

JOSUA 1:17

Mosi thu kan ngâi mi hâwi hen nang thu khawm kan ngâi vima lai; LALPA na Pathian chu Mosi sinah a um mi hâwi hen nang sinah khawm um seh!

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

JOSUA 10:8

LALPA nih Josua sinah, “Annih tla chu ṭih lah na. Nehtu sinâk ka nan pêk ving rawh. Nangmah do hen âukhawm an dîr kho lai lo,” a ti.

JOSUA 21:44

Ram chu thlangam tak hen LALPA nih a pêk na le, an pu tla sinah a tiamh na rawh hâwi hen. Anmah dotu an mêlma zawzawng lakah pakhat khawm anmah do khotu an um lo, LALPA nih Israel tla chu an mêlma zawzawng lakah nehtu ah a siam na rawh ruangah.

JOSUA 3:7

LALPA nih Josua sinah, “Tusûn ah ka thilti ding mi chu Israel mi tla nih mi rokual tak hâwi hen nangmah zah anna dawmhnâk ding asi, Mosi sinah ka um mi hâwi hen nang sin khawm ah ka um ti an theih lai rawh.

JOSUA 6:27

Churawhchun, LALPA chu Josua sinah a um le, chun ram pumpi ah a min a thang rawh.

LÂIRÊL 2:18

Zeiliau zawng ah Israel tla rangah LALPA nih ruitu a pêk na mi chu ruitu dam kar vial chu LALPA nih a ṭangpi hen mêlma lakah mi a hum awt. LALPA nih chun nehsawh leh tuar hen an rûm mi ruangah an tlûnah khua a ruat awt.

LÂIRÊL 6:16

LALPA nih a sâng le, “Ka nan ṭangpi awt ruangah na ti kho lai. Minung pakhattek, awldek na ti mi hâwi hen Midian tla chu na neh na lai,” a ti.

1 SAMUEL 10:7

Chubang hâwi thil a hawng um rawh chun Pathian nih a nan ruinâk zawng ah chun ti vima ko.