JOSUA 1:17 - Bawm Common Language Bible Version

¹⁷ Mosi thu kan ngâi mi hâwi hen nang thu khawm kan ngâi vima lai; LALPA na Pathian chu Mosi sinah a um mi hâwi hen nang sinah khawm um seh!

JOSUA 1:17 ပူးပေါင်းရင်းမြစ်များ

2 SAMUEL 14:17

Pu, kei ruatnâk ah nang chu Pathian vân minung hâwi na si le, a sia a ṭha khawm na thliar kho, thu na sim mi hâwi hen na ka hum lai ti ka ruat. LALPA na Pathian chu na sinah um seh,” a ti.

1 Lal 1:37

Nang lalchem sinah LALPA a um mi hâwi hen Solomon sin khawm ah um bâk seh; nangmah liau ngâk hen amah sanah a lâirêlnâk tluang seh,” a ti.

1 CHRONICLES 28:20

Lalchem David nih a fapa Solomon sinah, “Zumh thlir le, tum thlir. Rian chu a dawmh le, zeikhawm nih an tlawlhtir lah seh. LALPA Pathian a rian ka ṭuan mi chu na sinah a um lai. LALPA nih Biakin sak ding mi rian na lîm lânlo chu kaltâk lo hen an um nawh kumza lai.

SAM 20:1

Lawksawng ni ah chun LALPA nih a nan sâng seh! Jakob Pathian nih a nan hum seh!

SAM 20:4

Na duh mi zawng chu a nan pêk sele, na thiltum tla zawzawng chu an dingchangtir seh.

SAM 20:9

LALPA, lal chu nehnâk pêk le, ka nan kawh tikah hawng kan sâng rawh.

NUMBER 27:18

LALPA nih Mosi sinah, “Nun fapa Josua, mi thiltikho tak, lû tlûnah na kut thâng.

NUMBER 27:20

Na thuneihnâk zeimaw zat a sinah pêk le, Israel mi zawzawng nih a thu an ngâi khonâk ding hen.

MATHAI 21:9

Chun, mi zapi a mâi leiah kal mi tla leh a zûltu tla nih chun, “David Fapa sinah Hosana! Lalpa min hen a hawng kal mi chu a thaw a suak. Chungnungchem ah khin, Hosana!” ti hen, an âu.

DEUTERONOMY 34:9

Nun fapa Josua chu Mosi nih amah thlengtu ding a ruat mi asi ruangah finghnâk hen a khat rawh. Israel mi tla nih Josua thu chu an ngâi hen Mosi mang hen LALPA nih thu a pêk na mi khawm an zûl.

JOSUA 1:16

Josua rangah an sâng le, “Na kan simh mi vial chu kan ti vima lai le, na kan fialnâk zawng ah kan kal lai.

JOSUA 1:18

Na thu êltu leh na thupêk zûl duhlotu chu thah ding asi. Tum thlir le, zumh thlir ko!” an ti.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

JOSUA 4:14

nih Josua chu, chu ni ah chun LALPA nih zei hâwi tluk rokual hen a siam awt ti an thinlung ah ruatnâk a neihtir na. Mosi an zah hâwi hen a dam kar zawzawng amah chu an zah rawh.

1 SAMUEL 17:37

LALPA nih chun Chakeibaknei leh vawm lakah a ka hum mi hâwi hen hi Philistia mi lak khawm hawng ka hum nget lai,” a ti. Saul nih, “Asi ma chu, kal rawh ne, LALPA na sinah um seh,” a ti.

1 SAMUEL 20:13

Nganfâk pêk ding a nan tum mi lakah ka nan theihtir hen ka nan hum lo asi chun, LALPA nih hawng ka thah thlo seh. LALPA chu ka pa sinah a um hâwi hen na sin khawm ah um seh!