JOSUA 1:1 - Bawm Common Language Bible Version

¹ LALPA to-aw Mosi a thih nûnah Nun fapa Josua, Mosi ṭangpitu sinah LALPA nih thu a simh.

JOSUA 1:1 ပူးပေါင်းရင်းမြစ်များ

1 Lal 19:16

Israel lalchem rang ding ah Nimsi fapa Jehu sariak va thuh. Nangmah ruangrûl ah khuavâng siding hen Abel Meholah khua mi Saphat fapa Elisa sariak va thuh.

2 Lal 3:11

Lalchem Jehosaphat nih, “Hinah hin LALPA sinah thu deih ding hen khuavâng a um lo menmaw?” a ti. Lalchem Joram hotu nih a sâng le, “Elija ṭangpitu, Saphat fapa Elisa chu hinah a um ko,” a ti.

NEHEMIAH 8:17

Saltâng hawng kîr mi zawzawng nih basâ an khuar le, chu lakah an um. Hi hi Nun fapa Josua umnâk thawk hen an ti masachemnâk asi, mikip an thînlung a thawk le, anna lâwm.

EXODUS 24:13

Mosi leh amah ṭangpitu Josua chu anna tîm le, Mosi chu tlâng thenhlimh ah a kâi rawh.

NUMBER 11:28

Nun fapa Josua a tlangvâl liau thawk hen Mosi ṭangpitu nih chun, Mosi sinah, “Pu bângtir na!” a ti.

NUMBER 12:7

Ka to-aw Mosi sinah thu ka sim mi lam chu â dang; Israel mi tla zawzawng tlûnah hotu ah ka siah.

NUMBER 13:16

Hi bang tla hi ram zauh thlingthlâk ding hen Mosi nih a fial na mi chu an si. Nun fapa Hosea min chu Josua ti hen a thleng.

LUK 16:10

Âuzawng tâwmtê lakah zumhkâi chu tam tak lakah khawm zumh a kâi tâwn, âuzawng tâwmtê lakah zumhkâilo mi chu tam tak lak khawm ah zumh a kâilo tâwn asi.

THILTI 7:45

Chu ber chu kan thlâktu tla thlâk nawlh khawm nih an nei vima ding hen, Pathian nih kan thlâktu tla mâiah Phundang a nar mi tla ram an luah liauah khan Josua hen an lût; David hawng um tiang khan chunah chun a um ko.

ROM 1:1

Pawl, Jisu Krist to-aw, mifial siding hen kawh mi, a Thâwngthâng Ṭha sim ding hen Pathian nih a kawh mi nih chun:

DEUTERONOMY 1:38

Sikhawmsele, nangmah an ṭangpitu Nun fapa Josua thiltum chu birhtir rawh. Ram chu luah ding hen Israel tla chu a rui na lai,’ hawng ka ti.

DEUTERONOMY 31:23

LALPA nih Josua Nun fapa chu a sawnh le, a sinah, “Zumh thlir le, tum thlir. Israel mi tla hi, ka tiamh mi ram ah na kalpi na lai le, na sinah ka um lai,” a ti.

DEUTERONOMY 31:3

LALPA nan Pathian amah ngelchel chu nan mâilei ah a kal lai le, chunah phun a um mi tla chu an veih piak na lai, an ram nan luah khonâk ding hen; LALPA nih a sim rawh hâwi hen Josua chu an rui natu asi lai.

DEUTERONOMY 33:1

Hi bang tla hi Pathian mi Mosi nih a thih lânah Israel mi tla tlûnah malsâwmnâk a sim mi chu asi.

DEUTERONOMY 34:12

Mosi nih Israel tla mitmuh ah thil rokual leh ṭihnungkâi a ti mi chu zei khuavâng khawm nih an ti kho lo.

DEUTERONOMY 34:5

Churawhchun, LALPA to-aw Mosi chu LALPA nih a sim rawh hâwi hen Moab ram ah chun a thi rawh.

DEUTERONOMY 34:9

Nun fapa Josua chu Mosi nih amah thlengtu ding a ruat mi asi ruangah finghnâk hen a khat rawh. Israel mi tla nih Josua thu chu an ngâi hen Mosi mang hen LALPA nih thu a pêk na mi khawm an zûl.

TITA 1:1

Pawl, Pathian to-aw, zungzâl nungnâk lungum hen, Pathian thîm mi tla lungnâk leikângah leh Pathian sunhsak leikâng thudik theihnâk leikângah, Jisu Krist mifial ber nih chun,

JEM 1:1

Jem, Pathian leh Lalpa Jisu Krist to-aw nih Pathian mi phun leinih laikulh pumpi ah anna rekrâwi mi tla chu chibai a bûk na.

JOSUA 1:15

Jordan Va thlanglei kâng ram, LALPA nan Pathian nih a pêk na mi an luah tiang hen ṭangpi na ding hen nan hâwi Israel tla mâi nan ruai na hen nan ṭangpi na ding asi. Him tak hen Israel fa tla rangah pêk asi tikah hi Jordan saklei Mosi, LALPA to-aw nih an pêk na mi nan ram ah hin nan hawng kîr lai le, nan um lai rawh,” a ti.

JOSUA 1:2

“Ka to-aw Mosi chu a thi rawh le, tuah a tîm le, Israel mi tla zawzawng hen Jordan Va kanh ule, Ka pêk na mi ram leiah kal u.

JOSUA 12:6

Chu lalchem panih tla chu Mosi leh Israel tla nih an neh mi asi. Mosi, LALPA to-aw nih an ram tla chu Reuben phun leh Gad phun, Manaseh phun khingkhuai tla rang ding ah a pêk na.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.