JONA 3:9 - Bawm Common Language Bible Version

⁹ Pathian nih a thinlung a lêt hen a thinthawknâk a bâng hen kan nung kho kekkawk lai mawh!” a ti.

JONA 3:9 ပူးပေါင်းရင်းမြစ်များ

2 SAMUEL 12:22

David nih a sâng le, “Asi ngâk, ngâksia a dam liau chun buh khawm ka ei lo, ṭap khawm ka ṭap. LALPA nih hawng ka zângfah lai le, a damtir kekkawk lai mawh ka ti ruangah.

SAM 106:45

Anmah ruangah a thudântuk chu a theihkumza le, a dâwtnâk rokual ruangah siherhnâk a nei.

SAM 85:3

An lakah na thinthawknâk chu na lêt le; na thinrunhnâk fâk tak chu na nâwp.

SAM 90:13

Zeitiang riamruam me na thinthawknâk a sâwt awt? LALPA, na to-aw lakah hin khuaruatnâk nei rawh!

JEREMIA 26:13

Nan umdân tla, thil nan ti mi tla nan lêt hen LALPA nan Pathian lakah ê-aw nan ngâi ding asi. Chu hâwi nan ti mi asi chun, nan tlûnah siatnâk ka hawng tlungtir awt a ti mi thu ah a thinlung a lêt lai.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

JONA 1:15

Churawhchun, Jona chu an châwi le, tipi ah an lawnh rawh, chu kâ hen thli chu a bâng sawm rawh.

JONA 1:6

Lawng hotu nih a va muh le, a sinah, “Zeitin itmû thaw tak hen na it zia? Thawk le na pathian sinah ṭangpi deih hen thlacham, hawng kan lungkham hen kan nungnâk a zuah kekkawk lai mawh,” a ti.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

1 SAMUEL 6:5

Chu a ngawr mi lem leh châichîm lem chu siam ule, Israel tla Pathian chu nan chawnglawmh ding asi. Chu tikah nan pathian tla leh nan ram a rêp na mi chu a bâng lai dahmawh.