JONA 3:4 - Bawm Common Language Bible Version

⁴ Jona chu chu khuapi chu a lût a dawmhnâk thawk hen ni khat kal a tling rawh chun thu a sim le, “Ni sâwmli karah Ninevi khua chu â râwk lai!” a ti.

JONA 3:4 ပူးပေါင်းရင်းမြစ်များ

2 Lal 20:1

Chuliau chun Lalchem Hezekiah chu thi viviar hen a zâw le, Amoz fapa khuavâng Isai nih a veh le, a sinah, “LALPA nih na umdân ding chu ka ruat ver rawh a nan ti, dam ding na si lo ruangah thi ding hen a râlring ko,” a ti.

2 Lal 20:6

Nang leh hi Jerusalem khuapi hi Asiria lal lianchem lakah mi ka nan hum lai. Keimah min zahkâinâk ding hen hi khuapi hi ka hum awt, David sinah thu ka tiamh mi hâwi hen,” a ti.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

JEREMIA 42:10

‘Hi ram ah nung dam hen um vima ding nan duh mi asi chun, râwk lo ding hen ka nan dîrh na lai le; phâwi lo ding hen ka nan phun na lai. Nan lakah siat leh râwknâk ka tlungtir mi ruangah thungâi ka lung a fâk.

JONA 3:10

Pathian nih an thilti dân leh thilsual ti duhnâk an lêt mi chu a muh na rawh. Churawhchun, a thinlung a lêt le, rêp ding a tum na mi chu a lêt rawh.

MATHAI 12:41

Ninevi khua mi tla chu lâirêl ni ah chun tu san mi le tla sinah hin an dîr lai le, an mawhtir na lai, Jona thusim lakah an rim ruangah; ngâinik u, Jona ngâk hen rokual dauh hinah hin a um asi.

LUK 11:30

Jona chu Ninevi khua mi tla rangah singsiahnâk asi hâwi khan, Minung Fapa khawm tu san minung tla rangah hin singsiahnâk asi lai.

LUK 11:32

Ninevi khua ah mi tla chu lâirêl tikah chun tu san mi tla sinah hin an dîr bâk lai le, mawh an phurhtir lai, Jona thusim ruangah an rim dangâiah; zauhnik u, Jona ngâk hen rokual dauh hinah hin a um asi.

DEUTERONOMY 18:22

Khuavâng nih LALPA min hen thu a sim hen, a thusim chu a diklo asi chun LALPA thuchah asi lo. Chu khuavâng chu mah thu hen a sim mi asi le, amah chu nan ṭih ding asi lo.