JONA 3:10 - Bawm Common Language Bible Version

¹⁰ Pathian nih an thilti dân leh thilsual ti duhnâk an lêt mi chu a muh na rawh. Churawhchun, a thinlung a lêt le, rêp ding a tum na mi chu a lêt rawh.

JONA 3:10 ပူးပေါင်းရင်းမြစ်များ

1 CHRONICLES 21:15

Churawhchun, Jerusalem râwk ding hen vânmifial a fial le, sikhawmsele, a thinlung a lêt le, vânmifial sinah, “Bâng ko rawh, â tâwk rawh!” a ti. Vânmifial chu Jebus mi Araunah fâng khâwngnâk mun ah a dîr.

EXODUS 32:14

Churawhchun, LALPA nih a thinlung a lêt le, a mi le tla siat leh râwk ding a tum mi chu a lêt.

THUFING LASUIBU 28:13

Na damsung ah na sualnâk na pheh chun, dingchangnâk na tawng lai lo. Phuang le, mâk le, Pathian nih na lakah khua a ruat lai.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

JEREMIA 18:7

Zeiliau zawng ah ka phâwi awt, ka râwk awt, lalram leh phun tla khawm ka râwk awt ti rawh menza khawmsele,

JEREMIA 18:8

chu phun tla nih an thilsual ti an bâng chun, ti ding ka ti lai ka ti mi chu ka ti awtlo.

JEREMIA 36:3

Juda mi le tla nih an tlûnah siatnâk ka tlungtir ding mi thu zawzawng an theih chun, an thilsual ti an lêt kekkawk lai mawh. Chu hâwi asi chun an diklonâk leh an sualnâk chu ka ngaihdam lai,” a ti.

JEREMIA 42:10

‘Hi ram ah nung dam hen um vima ding nan duh mi asi chun, râwk lo ding hen ka nan dîrh na lai le; phâwi lo ding hen ka nan phun na lai. Nan lakah siat leh râwknâk ka tlungtir mi ruangah thungâi ka lung a fâk.

JOEL 2:13

Nan nipuan thlêk cho â tâwk lo, nan thinlung a kuai mi chu nan ngaihsiat zia lang rê seh,” a ti. LALPA nan Pathian sinah hawng kîr u. Anih chu vêlnei leh khuaruatnâk hen khat mi asi. A dawnh kho hen thutiam bir tak hen a kil le; rêp ding tum lo hen ngaihdam ding a tum kumza.

AMOS 7:3

LALPA nih a thinlung a lêt le, “Na muh mi chu a hawng tlung lai lo,” a ti.

AMOS 7:6

LALPA nih a thinlung a lêt le, “Hi khawm hi a hawng tlung ber lai lo,” a ti.

JONA 4:11

Ninevi khuapi rokual tak chu chu ngâk hen ka lungkham awt tuktarâi, chulo khawm ah ngâksia sual lo mi nuaikhat leh sîng nih leh ran tam tak hen!” a ti.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

LUK 11:32

Ninevi khua ah mi tla chu lâirêl tikah chun tu san mi tla sinah hin an dîr bâk lai le, mawh an phurhtir lai, Jona thusim ruangah an rim dangâiah; zauhnik u, Jona ngâk hen rokual dauh hinah hin a um asi.

LUK 15:20

A thawk le, a pa sinah a kal rawh. “Chuvachun, lât takah a um liauah a pa nih a muh le, thungâi a siherh le, a fûk phêt le, an ir anna tawnh le, a châwchawk chiam.