JONA 2:9 - Bawm Common Language Bible Version

⁹ Sikhawmsele kei chu nangmah sawr hen la ka sak lai le, bâwlnâk na sinah ka pêk lai le, ka thutiam chu ka ti lai. Ruangsuahnâk chu LALPA thawk hen a hawng!” a ti.

JONA 2:9 ပူးပေါင်းရင်းမြစ်များ

GENESIS 35:3

Hi mun hi kan mâk awt rawh le, Bethel ah kan kal lai rawh; chu ni ah ka lawksawngnâk hawng ka ṭangpitu leh ka kalnâk zawng ah ka sinah um tâwn mi Pathian rangah mâichâm ka siam awt,” a ti.

2 SAMUEL 15:7

Churawhchun, a kum linâk a tling nûn chun, Absalom nih David lalchem sinah, “Pu, Hebron ah LALPA sinah thutiamnâk zawh ding hen hawng ka kaltir.

JOB LASUIBU 22:27

Thla na cham tikah anih nih a nan sâng lai. A sinah na thutiam chu na zulhpeh lai rawh.

SAM 107:22

A sinah bâwlnâk leh lâwmnâk la sak hen leh a thilti zawzawng ruangah a sinah lâwmthu an sim ding asi.

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 3:8

Nehnâk chu LALPA sinah mi asi. A mi tla chu malsâwm seh.

SAM 50:14

Na lâwmthusimnâk chu Pathian sinah na bâwlnâk si sele, Zeizawng Tikho sinah thilpêk na tiamh mi chu pêk rawh.

SAM 50:23

Hawng ka zahtu nih lâwmthu an sim mi chu bâwlnâk asi; ka thu ngâitu zawzawng chu ka hum ngelchel lai.”

SAM 68:20

Kan Pathian chu ruangsuahtu Pathian asi; amah chu LALPA, thihnâk ah mi hawng kan humtu kan LALPA a si.

SAM 95:2

A mâika ah lâwmthusim hen kan kal lai le, lâwm hen a sawrnâk la kan sak lai.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

JOHAN 4:22

Nannih nih nan theihlo mi nan sawnh tâwn; kannih nih kan theih mi kan sawnh tâwn. Ruangsuaknâk Juda tla sin thawk hen a hawng suak awt asi.

THILTI 4:12

Midang âu sin khawm ah ruangsuaknâk a um lo; laikulh ah minung min sak lakah ruang hawng kan suah khotu ding min dang rerêng an um lo,” a ti.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

DEUTERONOMY 23:18

LALPA nan Pathian in ah an thutiam zulhpeh ding hen chubang leikângah tawng mi tangka nan hawng put ding asi lo. Â zuar mi minung chu LALPA nih a hua asi.

HEBRAI 13:15

Chun, Jisu zârah bâwlnâk hâwi hen sawrnâk chu Pathian sinah kan ap kumza lai; chu chu kan aw-hâu tla hen a min hen lâwmthu tla kan sim kumza lai tinâk asi.

THUPHUANG 7:10

Chun, chubang tla nih chun, “Kan Pathian laltophah ah a to mi leh Dawrâ Fa thawk hen kan ruangsuahnâk a hawng tlung rawh,” ti hen fâk tak hen an âu.

1 SAMUEL 12:21

Pathian diklo tla zûl lah u; an ṭangpi hen an hum kho na ding asi lo, a tak an silo ruangah.