JONA 2:7 - Bawm Common Language Bible Version

⁷ Ka nungnâk hi vei ving rawh hen ka theih le, churawhchun na sinah LALPA, thla ka cham. Na Biakin thenhlimh ah na ka ngâi piak.

JONA 2:7 ပူးပေါင်းရင်းမြစ်များ

2 CHRONICLES 30:27

Bâwlpu leh Levi tla nih mi zapi rangah LALPA sinah malsâwmnâk an deih piak na. Vân thawk hen Pathian nih an thlachamnâk chu a theih le, a pawm piak na.

SAM 11:4

LALPA chu a Biakin thenhlimh ah a um le, a laltophah chu vânah a um. Munkip ah mi a vêng na le, an thilti tla a theih hep.

SAM 142:3

Ka lungdawng liauah ka ti ding mi chu amah nih a theih, ka kalnâk lampi ah ka mêlma tla nih ka rangah thang an tunh.

SAM 143:5

Ni a len rawh mi tla ka theih le, thil na ti mi tla chu ka dawn le, na thilti zawng tla chu ka thinlung ah ka siah.

SAM 18:6

Ka lawksawngnâk ah LALPA ka auh le; hawng ka ṭangpi ding hen ka Pathian chu ka kawh. A biakin thawk hen ka hâu a theih; ṭangpi ding hen ka âu hâu a ngâi.

SAM 20:7

Mi zeimaw mi nih an râltuknâk kari leh an rang tla an rinhsanh le, khawmsele kannih lam nih chun LALPA, kan Pathian thiltikhonâk kan rinhsanh.

SAM 22:14

Tual ah tî a tlê mi hâwi hen ka tha â zûk ver. Ka liahchân zawzawng khawm a pelh hep; ka thinlung chu khuailul hâwi hen a zawr.

SAM 27:13

Tuliau san ah hin LALPA ṭhatnâk chu muh ding hen ka dam lai ti ka theih.

SAM 42:11

Zei rangah hi tluk rak hen ka ngaihsia? Zei rangah ka lawksawng? Pathian lakah ka lungumnâk ka siah lai le, ka ruangsuahtu leh ka Pathian chu ka sawr nawlh lai.

SAM 42:5

Zei ruangah hi tluk rak hen ka ngaih a sia? Zei ruangah hi tluk rak ka lawksawng? Pathian sinah ka lungumnâk ka siah lai le, ka ruangsuahtu leh ka Pathian chu veikhat ka sawr nawlh lai.

SAM 43:5

Zeirang hi tluk rak ka ngaih a sia? Zei rangah hi tluk rak ka lawksawng? Pathian sinah ka lungumnâk ka siah lai le, ka Pathian ka ruangsuahtu chu ka sawr nawlh lai.

SAM 65:4

Nangnih na thîm na mi tla, na mun thenhlimh ah um ding hen na hawngpi na mi chu an lâwptlo. Na in ah mi thil ṭha leh na Biakin thenhlimh ah malsâwmnâk hen kan khim lai.

ISAI 38:17

Ka ngaihsiatnâk chu thlangamnâk ah â chang lai. Ṭihnungkâi lakah mi ka nungnâk chu na hum le; Ka sualnâk zawzawng na ngaihdam rawh.

ISAI 50:10

Nannih LALPA zahtu tla leh a to-aw thu zûltu tla nan kalnâk lampi chu mûi khawmsele LALPA chu zumh ule, nan Pathian lakah a ngauh u.

JONA 2:4

Na mâika ah mi chu vei rawh hen, na Biakin thenhlimh chu muhlo rawh ding hen ka ruat.

MIKAH 1:2

Nannih phun zawzawng tla, hi hi theih u, tual tlûnah um mi zawzawng tla, hi hi ngâi u! LALPA Zahkâi nih a nan sâwi awt, a vân Biakin thawk hen thu a sim mi chu ngâi u!

HABAKUK 2:20

LALPA chu a Biakin thenhlimh ah um hen tual tlûnah mikip chu a mâika ah dâisip hen um na seh.

HEBRAI 12:3

Nanna dâithlanh hen nan lungdawng lonâk ding hen Jisu chu misual amah huatu tla lakah â dawnhkho zia chu ruat u.

1 SAMUEL 30:6

David chu thungâi a lawksawng, a mi le tla khawm an fa tla an thlâu ver na ruangah an lung a fâk thlo ruangah David rangah lung hen seh ding an awt; sikhawmsele LALPA a Pathian nih a râlṭhattir,