JONA 2:4 - Bawm Common Language Bible Version

⁴ Na mâika ah mi chu vei rawh hen, na Biakin thenhlimh chu muhlo rawh ding hen ka ruat.

JONA 2:4 ပူးပေါင်းရင်းမြစ်များ

1 Lal 8:48

Chu ram ah chun, dik tak leh zumhkâi tak hen an rim hen, hi ram, hawng kan thlâktu rangah na pêk na mi, hi khuapi na thîm mi leh hi Biakin na rangah ka nan sak piak mi leikâng hawi hen na sinah thla an cham chun,

1 Lal 9:7

Israel mi tla rangah ram ka pêk na mi thawk hen ka nar na awt. Keimah sawnhnâk ding ah hi Biakin ka thenhlimhtir mi khawm hi ka kaltâk lai. Mun kip mi nih Israel tla chu siarlo tak hen an zauhnawmh na lai.

2 CHRONICLES 6:38

Chu ram ah chun zumhkâi tak leh dik tak hen an rim hen hi ram hawng kan thlâktu tla rangah na pêk na mi sinah, hi khuapi na thîm mi, hi Biakin na rangah kan sak piak na mi lei hawi hen thla an cham chun ngâi piak na.

SAM 31:22

Na mâika mi nar ving hen ka um le, ka ning a ṭih hen ka dawn thlo. Khawmsele ṭangpinâk ka deih tikah ka âu mi a ka ngâi piak.

SAM 42:8

Zân ah LALPA nih a dâwtnâk dawnglo chu hawng ka muhtir seh. Churawhchun, ka nungnâk Pathian sinah la ka sak hen thla ka cham khonâk ding hen.

SAM 5:7

Sikhawmsele, na dâwtnâk rokual ruangah na in ah ka hawng kho. Na Biakin thenhlimh ah ka nan sawnh kho hen, zah tak hen na sinah ka hawng kûn.

SAM 88:6

Thlân tawdeng leh a mûi chem leh khur thûk chem ah na ka lawnh.

SAM 88:7

Na thinthawknâk rit tak chu ka tlûnah a um le, A zualkâinâk tangah râwk dep hen ka um rawh.

ISAI 38:17

Ka ngaihsiatnâk chu thlangamnâk ah â chang lai. Ṭihnungkâi lakah mi ka nungnâk chu na hum le; Ka sualnâk zawzawng na ngaihdam rawh.

ISAI 49:14

Sikhawmsele Jerusalem mi tla nih chun “LALPA nih hawng kan kaltâk rawh mahi! hawng kan philh ving rawh mahi,” an ti.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 7:15

Nan unau Israel mi tla ka nar na mi hâwi hen ka mitmuh ah mi ka nan nar ving na awt. Kei, LALPA nih ka sim asi,” a ti.

LUNGFÂKNÂK 3:54

Tî nih hawng ka nîm awt le, thihnâk a nâi ti ka theih.

EZEKIEL 37:11

Pathian nih ka sinah, “Thikho mi minung, Israel tla chu hi ruh karo hâwi an si. ‘Mâilei ah lungumnâk zeikhawm umlo hen kan châr fêk rawh,’ a ti.

DANIAL 6:10

Churawhchun, lal nih a min a rîn rawh ti Danial nih a theih rawh chun in leiah a lâwi le, a umnâk in chawnh tlûnah Jerusalem hawi hen langawtkawt a um, chunah chun a ti kumza hâwi hen nisiar ni khat lâi ah veithum vima thla a cham.

JONA 2:7

Ka nungnâk hi vei ving rawh hen ka theih le, churawhchun na sinah LALPA, thla ka cham. Na Biakin thenhlimh ah na ka ngâi piak.