JONA 2:2 - Bawm Common Language Bible Version

² “LALPA, ka lawksawng ruangah ka nan auh mi hi, nangnih hawng ka sâng rawh. Laikulh thihnâk thûk tak thawk hen ṭangpi deih hen ka âu le, nangnih hawng ka ngâi piak.

JONA 2:2 ပူးပေါင်းရင်းမြစ်များ

2 CHRONICLES 33:12

Chu a tuarnâk ruangah chun thinlung ah nâunâk a nei le, LALPA Pathian lei hâwi hen a sinah ṭangpi a ngiar.

SAM 116:3

Thihnâk ṭihnungkâi tak ka kiangkam ah a um le, ka lakah thlân ṭihnungkâi â khâr le; ṭihnungkâi leh lawksawng hen ka khat.

SAM 120:1

Lawksawng hen ka um liauah, LALPA chu ka kawh le, hawng ka sâng.

SAM 16:10

Thihnâk thiltikhonâk ah mi na ka hum hen na dâwt mi chu laikulh thihnâk lakah na mâk awtlo ruangah.

SAM 22:24

Mipâm tla chu a thlawrhthlâu lo le, an tuarnâk tla khawm ngaihlo lem a thlâk lo, anmah tla chu a hawitâk na lo le, ṭangpi an deih tikah chun a sâng na.”

SAM 34:6

Ṭangpitu nei lo nih amah chu an auh le, a sâng na; an lawksawngnâk lakah mi ruang a suah na.

SAM 4:1

Pathian, hawng ka vêngtu! Thla ka cham tikah hawng ka sâng rawh. Ka lawksawng liauah na ka ṭangpi. Tuah ka lakah vêlnei le, ka thlachamnâk ngâi.

SAM 61:2

In thawk hen lât tak lungdawng bû hen ka nan auh!

SAM 65:2

thlachamnâk na sâng ruangah kan thutiam chu na sinah kil.

SAM 86:13

Ka rangah na dâwtnâk dawnglo chu a rokual a! Thlân lakah mi ngelchel chu ruang na ka suah.

ISAI 14:9

“Laikulh thihnâk chu Babulon lalchem lawmh ding hen â tîm ko. Tual tlûnah mi thiltikho tak thlarau tla an hawng châng rawh. Laltophah tlûnah to mi lal tla thlarau khawm an hawng thawk rawh.

LUNGFÂKNÂK 3:55

“LALPA khur tawdeng thawk hen kan âuh asi.

EZEKIEL 26:20

A lânah mi tla sinah laikulh thihnâk ah ka nan kaltir awt. A lânah thi rawh mi murui sinah um rawh ding hen zungzâl siat leh râwknâk mun tual tangah ka nan umtir awt. Na sual man chu minung ram ah na mun na luah hen na um nawlh ding asi lo rawh.

EZEKIEL 31:14

Tu thawk hen zei thing khawm tî hen ṭha tak châwm mi chu hâwi tluk a sâng hen ṭhang mi a pâr nih vândâwm phanh khet a sâng mi chu a um lai lo rawh. Thikho mi minung tla laikulh thihnâk mun ah an kal mi hâwi hen an ektê hen thi ding hen an vânduai rawh,” a ti.

MATHAI 12:40

Jona chu ni thum leh zân thum ngapi paw sungah a um hâwi khan Minung Fapa hi ni thum leh zân thum tual sungah a um bâk awt asi.

LUK 11:10

Âuzawng a deihtu vial nih chun an tawng tâwn le, âuzawng a hâwltu nih chun an tawng tâwn le, âuzawng a kiktu chu an awng piak awt asi.

LUK 22:44

Chun, thungâi a thla a kâm le, semsê ngâi khun hen thla a cham; a thlan chu thî hâwi hen tual ah a zut.

THILTI 2:27

Ka thlarau mithi khua ah na mâk lo ruangah na mi thenhlimh thût na siang lai loh.

HEBRAI 5:7

Jisu chu tual ah a um liau tla ah khan thihnâk lakah amah sansuah khotu Pathian sinah fâk tak hen âu leh mitthli tlâ rê bû hen thlachamnâk leh ngiarnâk tla a ap le, nâu tak hen â pêknâk ruangah Pathian nih a ngâi piak.

1 SAMUEL 1:16

Nunau rualo ah hawng ka ruat lah, ka lawksawng tuk ruangah hi hâwi hen thla ka cham mi asi,” a ti.

1 SAMUEL 30:6

David chu thungâi a lawksawng, a mi le tla khawm an fa tla an thlâu ver na ruangah an lung a fâk thlo ruangah David rangah lung hen seh ding an awt; sikhawmsele LALPA a Pathian nih a râlṭhattir,