JONA 1:4 - Bawm Common Language Bible Version

⁴ Sikhawmsele LALPA nih tipi tlûnah thlipi fâk tak a rângtir le, chu thli chu a fâk tuk ruangah lawng râwk ding rê hen ṭihnung a kâi.

JONA 1:4 ပူးပေါင်းရင်းမြစ်များ

SAM 135:6

Tual ah leh vân ah a duh mi zawng chu a ti, tipi ah leh a tawdeng khawm ah.

SAM 135:7

Tual dawnghnâk thawk hen thlipi vândâwm chu a hawng put le; thlipi lakah mîmthlâ a lektir le, a kilnâk in thawk hen thli tla a hawng put.

SAM 148:8

Mîmthlalek leh rial tla, vûr leh sûm tla, thlipi, amah thupêk hâwi hen umtu tla khawm nih LALPA chu sawr u.

EXODUS 10:13

Mosi nih a ṭhianṭhunh a lirh le, LALPA nih saklei thawk hen ram lakah ni tlâk leh khuadei hen thli a rângtir rawh; a thâizîng ah chun khâubawk an hawng tlung rawh.

EXODUS 10:19

LALPA nih saklei thli chu thlanglei thli chak tak hen a thleng le, chu nih chun khâubawk tla chu Tipi Sen likâwlneng ah a ranh phin na. Aigupta ram ah khâubawk pakhat khawm a um lo rawh.

EXODUS 14:21

Mosi nih a kut chu tî tlûnah a phar le, LALPA nih saklei mi thli hen tipi tî chu a khirh. Zân khuadei ver hen thli a râng le, tipi chu tual châr ah â chang rawh. Tî chu a hawng a ṭhêk le,

EXODUS 15:10

Sikhawmsele, LALPA nangmah thaw khat thli nih chun Aigupta mi tla tî ah a piltir na; tî ṭihnungkâi lakah suan hâwi hen an pil.

JEREMIA 51:16

A thupêk hen chung vân lei mi tî tla chu hâu a suaktir; tual dawnghnâk thawk hen sûm tla a pumh. Ruah lakah mîmthlâ a lektir le, siahnâk mun thawk hen thli tla a fial.

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!

NUMBER 11:31

Lâkkhatko hen LALPA nih tipi thawk hen mîmtê tlungtirtu ding hen thlî a fial, tual ah dâwng nih tluk sah hen a hawng tlâ. Riakmun leh a kiangkam zawzawng munkip an khat dil.