JONA 1:3 - Bawm Common Language Bible Version

³ Sikhawmsele Jona chu LALPA mâika ah mi chu tek ving ding hen Joppa khua ah a va kal le, Spain leiah kal ding mi lawng a tawng. Kal man a pêk le, lawng dâwngpu tla sinah a lût rawh.

JONA 1:3 ပူးပေါင်းရင်းမြစ်များ

GENESIS 3:8

Chu zânlei ah chun LALPA Pathian chu dûm ah a hawng mi an theih le, thing nâwngah an thuptâk.

GENESIS 4:16

Chun Kain chu LALPA mâika ah mi chu a kal le, “Vâinâk” ram an ti mi mun ah a um rawh, chu chu Eden saklei asi.

1 Lal 19:3

Elija chu a ningṭih le, a nungnâk him ding hen a to-aw a kalpi le, Juda ram ah mi Bersheba ah a kal rawh. Chunah chun a to-aw a mâk thlap le,

1 Lal 19:9

Chunah mi pûk ah a lût le, zân ah a it. Lâkkhatko ah LALPA nih a sinah thu a hawng sim le, “Elija, hinah zei me na ti?” a ti.

2 CHRONICLES 2:15

Tuah wheat sangvut, barley sangvut, uain leh oliv sariak tla na tiamh mi hâwi hen hawng kan kuat.

2 CHRONICLES 2:16

Lebanon tlângah mi na duh zat sidar thing an hâu lai le, an têl lai le, Jopa tiang tipi ah an hawng lawngh lai. Chu thawk chun Jerusalem ah nan kalpi kho lai rawh,” a ti.

2 CHRONICLES 9:21

Lalchem Hiram lawng murui hen an kal tâwn mi timeilawng rual khawm a nei. Kum thum kip ah a lawngrual tla chu ngûn, tangka, sâihâ leh mei nei lo zâwng leh zâwng tla an hawng put tâwn.

Ezra lasuibu 3:7

Mi tla nih lung leiah rianṭuantu leh thing leiah rianṭuantu rangah tangka pêk ding asi, din ding, ei ding leh oliv sariak tla Tura khuapi leh Sidon khuapi ah Lebanon tlângah sidar thing, Jopa khua leiah tipi ah hawng lawngh ding mi thlengnâk ding hen kuat asi. Chubang zawng tla chu Persia lal lianchem Kirus thu hen ti mi hep asi.

JOB LASUIBU 1:12

LALPA nih Setan sinah, “Asi ma chu, a thilneih zawzawng chu na duhzia zawng hen ti, sikhawmsele amah Job chu nganfâk na pêk ding asi lo,” a ti. Churawhchun, Setan nih a kaltâk rawh.

JOB LASUIBU 2:7

Churawhchun, Setan chu LALPA thawk hen a kal rawh, Job chu a tak pum hen mâ a khattir phak.

SAM 107:23

A zeimaw mi chu tisumsumriat ah meilawng hen an kal le, tipi tlûnah an nungnâk ding hen ei ding an lawh.

ISAI 2:16

Lawnglian chem leh â dawh chem mi tla khawm a piltir lai.

ISAI 23:1

Hi hi Tura thu ah thuchah asi. Nang tisumsumriat ah lawng khalhtupa, ngaihsia hen âu rawh! Na dînnâk lawng mun Tura chu râwk asi rawh; a in leh a lawng dinhnâk khawm râwk asi rawh. Kupra thawk hen na lawng a hawng kîr liauah thâwng na theih rawh.

ISAI 23:10

Nannih Spain ram ah mi tla, kal ule, ram lakah phâisen va tuah u! A nan vêng natu ding âukhawm an um lo rawh.

ISAI 23:6

Nannih Phoinikia mi tla, ngaihsia hen âu u! Ruangsuak ding hen Spain leiah tek ding hen tum u!

ISAI 60:9

Ram lât tak thawk hen Pathian mi tla in leiah An hawng putnâk lawng tla asi. LALPA Israel Pathian thenhlimh, Phun zawzawng mi tla Zah ding hen siamtu min zahnâk ding hen; Ngûn leh tangka tla an hawng put.

JEREMIA 10:9

An milem tla Spain ram ah mi tangkasa hen an luanh, Uphaz ram ah mi ngûn hen an luanh, chubang zawzawng chu thilsiam thiamtu tla rianṭuan ver asi; puan senduk leh dumpâwl, puan tah thiam mi tla nih an tah mi hen an thuamh na.

EZEKIEL 2:8

“Thikho mi minung, thu ka nan simh mi ngâi. Anmah hâwi hen hel bâk lah. Na kâ âng le, ka nan pêk ding mi hi ei,” a ti.

EZEKIEL 27:12

“Spain ram ah saw na leh le, na thil tam tak man ah tangkasa, thîr, tâmâ leh suan na lâk.

EZEKIEL 3:14

LALPA thiltikhonâk fâk tak ka lakah a hawng tlung le, a thlarau nih hawng ka put liauah ka lung si lo le, ka thinthawk.

JONA 1:10

Jona nih LALPA sinah mi a tek mi tla a sim vima. Lawngpu tla chu thungâi an ṭih le, a sinah, “Chu chu thil ṭihnungkâi tak asi!

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

LUK 9:62

Chun, Jisu nih a sinah, “Âuzawng tual nâwnnâk tleih hen dung leiah zauh mi chu Pathian Ram rangah a tlâk loh,” a ti.

THILTI 15:38

Sikhawmsele, Pawl lam nih chun anih chu an sinah kalpi ṭha a ti lo, Pamphulia ram ah anmah tla a kîrtâk na le, rianṭuannâk ah an sinah a kal bâk lo ruangah khan.

THILTI 26:19

“Churuangah, Lalchem Agripa, vân ah thawk hen muhnâk ka nei mi chu ka êl lo le,

THILTI 9:36

Chun, Joppa khua ah a min Tabitha lungtu pakhat a um. (Greek hen a min chu Dorka asi, chu chu ‘Sakhi’ tinâk asi.) Chu nunau chu thil ṭha ti hen a hun zawzawng a mang tâwn le, chun, mipâm tla a ṭangpi tâwn.

THILTI 9:38

Chun, Lida khua chu Jopa khua thawk hen a lât chiam lo le, ṭhiruai tla nih chun Peter chu chunah chun a um ti an theih le, “Mawhsareh hen kan sinah hawng kal nawlh,” ti hen ngiar chiam ding hen a sinah minung panih an fial.

THILTI 9:42

Chun, chu chu Jopa khua zawzawngah chun an theih ver rawh; mi cherkhet nih Lalpa an lung rawh.

THILTI 9:43

Chun, Peter chu ni tam tak Jopa khua ah Simon, savun siamtu in ah chun a châm.

1 KORIN 9:16

Thâwngthâng Ṭha sim khawmsele putso ding rerêng ka nei lo, ti ngelchel ding hen ka tlûnah â thâng asi. Thâwngthâng Ṭha sim lah sele ka tlûn a pit awt asi.

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.

JOSUA 19:46

Mejarkon leh Rakon tla an um, a kiang mi Jopa khawm.