JOHAN 9:39 - Bawm Common Language Bible Version

³⁹ Chun, Jisu nih, “Lâirêl ding hen hi laikulh ah hin hawng kal kasi, mitchâw tla an mit a deinâk ding leh mitdei tla chu an mit a châw khonâk ding hen,” a ti.

JOHAN 9:39 ပူးပေါင်းရင်းမြစ်များ

ISAI 29:10

LALPA nih a nan ngûtir, ihmu thaw tak it ding hen a râlring. Khuavâng tla chu mi zapi tla mit an si lai le, sikhawmsele, Pathian nih an mit a tuam piak na.

ISAI 44:18

Chubang hâwi minung tla chu an mâwl tuk le, an thilti khawm an theih loh. Thudik lakah an mit an sîm le, an thinlung an khungtir.

ISAI 6:9

Churawhchun, hi thuchah hi mi zapi simh na ding hen kal ding hen hawng ka fial rawh: “Zei ti tal hen ngâi khawm ule, nan theihthiam ding asi lo. Zei ti tal hen zauh khawm ule, zei a hawng tlung nan theih ding asi lo,” ti hen.

EZEKIEL 12:2

“Thikho mi minung, mi hel nâwngah um mi na si. Mit an nei le, sikhawmsele zeikhawm an muh lo; nâ an nei le, sikhawmsele zeikhawm an theih lo, mi hel an si ruangah.

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 15:14

Annih chu zeikhawm siar lah u; ruitu mitchâw an si. Chun, mitchâw nih mitchâw lîlâ a rui chun khursaduap ah munkhat hen an tlâ vevê lai,” a ti le, a sâng.

MATHAI 6:23

Na mit â râwk lam chun na taksa pum hen a mûi hep lai. Chuvachun, na sungah chêu chu mûi si sele, mûi chu a fâk awt chiam e!

LUK 1:79

Mûi nâwngah leh thihnâk dâidul ah to tla cherh ding hen leh lungngamnâk Lampi ah kan kê kârtir ding hen,” a ti.

LUK 13:30

Chun, ngâinik u, madung chem tla khawm masa chem ah um ding mi an um le, masa chem tla khawm madung chem ah um ding an um,” a ti.

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

LUK 7:21

Chun, chu liau takah chun Jisu nih nganfâk tla, râipi vei tla, khuri vuanh tla tam tak a damh na le, mitchâw tam tak khawm an mit a deitir na.

JOHAN 12:31

Tuah hi laikulh hi lâirêl asi; tuah hi laikulh lal hi lawnh asi lai.

JOHAN 12:46

Chêutirtu ah laikulh ah hawng kal kasi hi, âuzawng hawng ka zumhtu vial chu mûi ah an um kumza lonâk ding hen.

JOHAN 3:17

Laikulh mawhtir ding hen Pathian nih a Fapa laikulh ah a fial lo, laikulh amah ruangah ruangsuah hen an um khonâk ding hen a fial dauh asi.

JOHAN 3:19

Hi hi mawhnâk asi, chêu laikulh ah a hawng kal le, sikhawmsele mi le tla nih chêu ngâk hen mûi an duh dauh, an thilti tla an sual ruangah.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

JOHAN 8:15

Nannih nih minung ngaihdân hâwi hen lâi nan rêl tâwn; kei lam nih chun âukhawm an lâi ka rêl lo.

JOHAN 9:25

Chun, anih nih chun, “Misual asi le silo ka theih lo, thil pakhat ka theih, a lân khan ka mit a châw le, tuah ka muh kho hi,” a ti le, a sâng.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

2 KORIN 2:16

Murui khat tla rangah chun thihnâk lakah thihnâk ding rim kan si le, murui khat tla rangah chun nungnâk lakah nungnâk rim kan si. Chubang tla rangah chun âu me tling kho lai?

EPHESI 5:14

Churuangah, “Nang, it meng le, mithi lakah mi thawk rawh; chun, Krist nih a nan cherh lai,” a ti kha.

2 THESALONIKA 2:10

âwkrâwl thilchê zawzawng tla hen, a vei liau mi tla rangah replonâk perpetnâk zawzawng hen asi lai: ruangsuah hen an um khonâk ding hen thudik zângfahnâk chu an zûl lo ruangah asi.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

1 JOHAN 2:11

Mah unau huatu lam chu mûi ah a um le, mûi ah a kal asi, mûi nih a mit a châwtir rawh ruangah a kalnâk ding a theih lo asi.